'Oarso' aldizkariaren aurkezpen irekia, ostiralean
Zazpigarrenez jarraian egingo dute aurkezpen irekia; ostiralean izango da Niessen Kulturguneko auditorioan, 18:30ean hasita.
Oarso 2024 aldizkariaren aurkezpenaHerri Bizia Oarso aldizkariaren aurkezpen ekitaldi irekia egingo dute ostiralean, hilak 4, Niessen Kulturguneko auditorioan. Zazpigarrenez egingo dute jarraian aurkezpen irekia, eta helburua, kolaborazio guztiak eskertzea zein edukietako batzuk ezagutaraztea da egileen eskutik.
Errenteriako Udalak zein aldizkariaren erredakzio batzordeak herritar guztiak deitu dituzte bertaratzera; 18:30ean hasiko da eta sarrera librea izango da, ezarritako aforoa bete arte.
Aurtengoa 221 orrirekin heldu da eta 39 kolaborazio ditu. Gizarte bizitza xehatzearekin batera, tokiko historia berreskuratzen du, udalerriaren kultura bizitza aktiboa islatzen du, eta pertsona esanguratsuen biografiak bildu ditu.
700 ale argitaratu dira denera eta uztailaren 5etik aurrera salgai izango dira 7,35 euroan.
Ondoko zerrendan kontsulta daitezke salmenta puntuak.
Salmenta puntuak
- Beraun: Beraun estankoan.
- Erdigunea: Josemi kioskoa, Maitexa estankoa, Mirentxu liburu denda, Noski liburu denda, Xenpelar kultur denda.
- Fanderia: Maryam liburu dendan.
- Iztieta: Razquin estankoan.
- Olibet: Rojas liburu dendan.
- Udaletxea: ZU! Arreta zerbitzua.
- Aldakoenea: ZU! Arreta zerbitzua.
