Alfonso Zarranzen Argazki Rallyak baditu irabazleak
Ekainaren 8an egin zen Alfonso Zarranzen oroimenezko III. Argazki Rallya, Trintxerpen. Orotara, 40 lagun inguru bildu ziren, eta irabazleak ezagutarazi dituzte.
Ekainaren 8an Alfonso Zarranzen oroimenezko III. Argazki Rallya egin zen Trintxerpen. Orotara, 40 lagun inguruk hartu zuten parte, eta kalitate handiko argazkiak atera zituztela jakinarazi du Pasaiako Udalak. Lehiaketak irabazleak ditu jada, eta sariak Iraitz Pazos Trintxerpeko alkateordeak eta Aitor Brion Kultura zinegotziak banatu dituzte. Argazki guztiak Trintxer Kulturala elkartearen webgunean ikus daitezke.
Hona hemen irabazleen zerrenda:
Alfonso Zarranz memorialaren sari berezia Iñaki Cabado Magallanes donostiarrarentzat izan da, eta oroigarri plaka eta 150 euro irabazi ditu.
Gaikako sariak:
- Gaia: Egunkariak. Irabazlea: Arbil Iciar Manterola (Zarautz).
- Gaia: Berde kolorea. Irabazlea: Raul Lopez Segura (Burlata).
- Gaia: Taldeak. Irabazlea: Joseba Iturbe Reyes (Tolosa).
- Gaia: Txokoak. Irabazlea: Patxi Irazabal Campo (Donostia).
- Gai librea. Irabazlea: Nahikari Barros Goñi (Zizur Nagusia).
Bilduma sariak:
- 1. saria: garaikurra eta 200 euro. Irabazlea: Carlos Romero Bilbao (Ondarroa).
- 2. saria: garaikurra eta 150 euro. Irabazlea: Jose Angel Amutxastegi Esnaola (Donostia).
- 3. saria: garaikurra eta 100 euro. Irabazlea: Jose Antonio Barros Dominguez (Zizur Nagusia).
