Zintzilikek txupinazo festa egingo du
Txupinazo festa egingo du urtero bezala Zintzilik Irrati libreak aurten ere madalenen harira, eta horrenbidez ikasturteari ginga jarri.
Txupinazo festa egingo du urtero bezala Zintzilik Irrati libreak aurten ere madalenen harira, eta horrenbidez ikasturteari ginga jarri. Hilaren 21ean izango da, astelehena, eta programa berezia antolatu dute, baita formatu txikiko kontzertua ere txupinazo festa horretarako.
Aurretik baina, hitzordua ere izango du irrati libreak, eta hilaren 19an
17:00etan ekingo diote Zintzilikekoek irratsaio bereziari eta bertan elkarrizketak, muska eta txupinazoa zuzenean entzuteko aukera emango dute. 19:30ean, berriz, barra zabalduko dute, eta jatekoak eta edatekoak eskainiko dituzte, baina batez, nabarmen jarri dutenez, “konpainia hoberena”. Zintzilik irratiaren egoitzan izango da hori, Perratokian. Eta 20:00etan, berriz, Andoni Ollokiegik kontzertua egingo du..
Festarekin bukatuko dute denboraldia, eta hortaz, udan barrena ez da saiorik izango Zintziliken, bai ordea musika ez komertzialarekin gozatzeko aukera. Irailean itzuliko dira 40. denboraldia martxan jartzeko gogo eta ikusioz, eta hainbat jarduera eta sorpresa iragarri dituzte, adi beraz, seinaleari. Deia ere luzatu dute, Zintzilik irratian parte hartzera animatzeko. Interesdunek harremanetan jarri behar dute horretarako irrati libreko kideekin sare sozialen bidez.
