Gurutze Gorriak herriko erretiratuen zortzi elkarte omendu ditu
Gurutze Gorriak San Agustin, La Magdalena, Bienvenido, Laguntasuna, El Parque, San Jose, Beti Bizkor eta Arramendipe erretiratuen egoitzak omendu ditu.
Madalen festak direla eta, Gurutze Gorriak ibilaldia antolatu du Jesusen Bihiotza adinekoen egoitzako adinekoekin; ekitaldi horrekin, zehazki, “erakundeak gizartearekin duen konpromisoa berretsi eta guztiek, adina eta egoera soziala edozein izanda ere, jaiez gozatzeko duten eskubidea” aldarrikatu nahi izan dute.
San Agustin, La Magdalena, Bienvenido, Laguntasuna, El Parque, San Jose, Beti Bizkor eta Arramendipe egoitzetako ordezkariei sari eta diplomak eman dizkiete, eta ekitaldia girotzeko, Erraldoi eta Buruhandien Konpartsak dantzaldia egin du.
Gurutze Gorriak “bere esker ona” adierazi nahi izan die sariekin “komunitatean eta auzoetan osasun aktibo garrantzitsuak diren erretiratuentzako aisialdirako eta elkarbizitzarako gune hauei”. Euren hitzetan, “funtsezkoak” dira osasuna mantendu eta indartzeko, baina baita adineko pertsonen bakardadearen aurkako borrokan laguntzeko ere.
Ekitaldian izan dira, besteak beste, Estibaliz Arnaiz Gurutze Gorriko presidentea, Antxon Amunarriz Gipuzkoako Gurutze Gorriko ordezkari berezia, Aizpea Otaegi Errenteriako alkatea eta udaleko bozeramaileen batzordea.
Jarraian, HITZAk aitortza ekitaldian jasotako irudiekin osatutako bideoa.
