Saskiak banatzen hasi da Arraztalo
Hamaseigarren urtez jarraian kontsumo taldeko kideak elikatuko ditu Arraztalok. Astelehenero egingo dute saskien banaketa, 18:00etan plazan.
Astelehenero banatzen ditu Arraztalok saskiak, Done Eztebe plazan. Hamaseigarren urtez jarraian kontsumo taldean dituen bezeroen nahiak asetzen jarraituko du Arraztalok. Ohi bezala, saskien banaketa astelehenetan egingo dute, 18:00etan, Done Eztebe plazan. “Oso pozik gaude urte hauetan guztietan herritarren babes eta konfiantza izan dugulako”, esan dute taldeko kideek. Elkarteko langileek ekoitzitako barazki freskoak dituzte saski horiek. “Elikadura osasuntsua, gertukoa eta jasangarria sustatzea, nahiz gaixotasun mentala duten pertsonen integrazioa lortzea dugu xede”, zehaztu dute. Eskerrak eman dizkiete bidelagun dituzten herritar guztiei.
55 eurokoa da da, hilabeteko, kontsumo taldeko kideek ordaintzen duten kuota; hilean lau saski jasotzen dituzte. Talde horretako kide direnen arteko banaketa da ekoizten dituzten barazkiak merkaturatzeko duten bide nagusiena. Hortaz, taldearekin bat egiteko aukera zabalik dela nabarmendu dute Arraztalotik. Egiten dutenaren informazio osoa haien webgune berrituan ikus daiteke; 617 58 57 24 telefono zenbakira deituta, edo haien posta elektronikora idatzita ere informazioa eskura dezakete interesdunek.
