Zeharkaldiaren hirugarren eguna, martxan
Atzo izandako hamaika kontzertuen ondoren, berandu piztu da gaur herria. Creative Soulen eskutik inprobisazio tailerrean parte hartzeko aukera izan dute gaztetxoenek eta Ereintza elkarteko kideek herria dantzan jarri dute.
Atlantikaldiko zeharkaldiaren hirugarren eguna da gaur, eta atzo izandako hamaika kontzerturen ondoren, berandu piztu da herria. Goizeko 10:00etan hasi dute eguna Errenteriako 5 ateeak aurkitzeko irrikaz 5 ateen bila deituriko bisita gidatura hurbildu direnak.
Gainontzekoak, aldiz, 11:00etan irten dira kalera. Creative Soulen eskutik inprobisazio tailerrean parte hartzeko aukera izan dute gaztetxoenek Foru plazan (Herrixka), eta musika instrumentu ezberdinak jotzen ikasiz doinu ederrak sortu dituzte. Geroago, leku berean, lepokoak egiteko tailerra egin dute eta bertan aritu dira, gazte zein heldu, datozen egunetan janzteko bitxiak sortzen.
Ordu eta erdi geroago herria dantzan jarri dute Ereintza elkarteko kideek, eta aldi berean, Mantxester txikira bidaia [bisita gidatua] hasi dute beste zenbait herritarrek. Gutxinaka gutxinaka joan da herria berpizten, eta Atlantikaldiari esker gozatzeko nahi haina hitzordu izango dituzte arratsaldean ere (Ikus egitaraua orriaren amaieran).
Irailak 20ko egitaraua:
- 16:30 – Sirena hotsen atzetik (EUS) Bisita gidatua. Herrian zehar.
- 17:00 – Sustraiak eta mugak. Dantza. Herrian zehar.
- 17:00 – Paddle surf. Ibaia.
- 17:00 – Munduko aurpegia. Tailerra. Herrixka.
- 18:00 – Anixe. Musika. Kalekaia.
- 18:00 -Dantza polinesiarrak. Herrixka.
- 18:00 – Paddle surf. Ibaia.
- 19:00 – Ramon Mirabet. Herriko plaza.
- 19:00 – Sukaldeko begiradak. Tailerra. Herrixka.
- 19:00 – Paddle surf. Ibaia.
- 20:00 – Aita Mon Amour + BihoTX. Musika. Itsasargi nagusia.
- 20:00 – Afrodance tailerra. Dantza. Herriko plaza.
- 20:00 – Aimar Z. Musika. Kalekaia.
- 20:30 – Josu eta Maita. Musika. Herrixka.
- 21:30 – Luke Armstrong. Musika. Herriko plaza.
- 22:00 – Kiliki. Musika. Kalekaia.
- 23:00 – Kumpainia Algazarra + Mirua. Itsasargi nagusia.
- 00:00 – Makeda. Musika. Kalekaia.
