Hamalau gai jorratuko dituzte astearteko plenoan
Hilaren 30ean iraileko ohiko osoko bilkura egingo da Pasaiako udaletxean, 18:00etan. Hamalau puntutako gai zerrenda osatu dute.
Datorren asteartean, hilaren 30ean, iraileko ohiko osoko bilkura egingo da Pasaiako udaletxean, 18:00etan. Orotara, hamalau puntutako gai zerrenda osatu dute. Hona hemen:
- Aurreko bilkurako 2025/7. akta, 2025-07-29koa onartzea
- Alkatetzaren eta zinegotzi ordezkarien ebazpenen berri ematea (2025/1798 zenbakitik 2025/2924 zenbakira) Tokiko Gobernu Batzarreko akordioen berri ematea (2025/08 zenbakitik 2025/31 zenbakira).
- Zinegotzia karguaz jabetzea.
- Gipuzkoako Foru Aldundiaren, Pasaiako Portu Agintaritzaren eta Pasaiako Udalaren arteko hitzarmenaren luzapena onartzea, Pasaiako portuko zerbitzugunean portuaren eta hiriaren arteko elkarreraginerako erabilera duten eremuak mantentzeko.
- Pasaiako Zarata eta Bibrazioen Udal Ordenantza behin betiko onartzea.
- Pasaiako udalerria bizitegi merkatu tentsionatutako eremu izendatzeko bidean, etxebizitzaren egoerari buruzko diagnostikoa, justifikazio memoria eta Ekintza Plana onartzea.
- Gizarte bazterketako egoeran dauden pertsonentzako Lezo, Oiartzun eta Pasaiako eguneko arreta zentroaren araudiaren hasierako onarpena.
- Alkatetzaren ebazpenen bidez onartutako kreditu aldaketen berri ematea (2025/2005, 2025/2037, 2025/2443, 2025/2444 eta 2025/2802 zenbakiak).
- Itxitako ekitaldietako diru sarreren baja proposamenak: preskribatuak.
- Kreditu aldaketa onartzea: 7. kreditu transferentzia.
- Kreditu aldaketa onartzea: 1. konpromiso kreditua.
- Pasaiako Udalaren eta bere erakunde autonomoen diru laguntzen ordenantza orokorraren aldaketa onartzea.
- Enplegu eta tokiko garapen planen esparruko lankidetza hitzarmena onartzea.
- Galde eskeak.
