'Euskal eskultura bizirik' proiektua aurkeztuko du Pagoartek
Urriaren 11tik arazoaren 2ra izango da ekimena, eta bi erakusketa inauguratuko dituzte, bata San Juan kaperan eta Arizmendieneako lorategian bestea.
Oiartzungo Pagoarte elkarteak Euskal eskultura bizirik proiektua egin du, eta hura aurkezteko eguna zabaldu du lau haizetara: urriaren 11. Egun horretan, Oiartzunen bertan, eskultura garaikideko bi erakusketa inauguratuko dituzte, eta hiru asteko iraupena izango du bakoitzak. Gainera, herriko gazteenek zaborretatik bildutako elementuak erabilita eskultura eraikiko dituzte.
Era berean, Anton Mendizabalen eskulturaren soinuekin eta Itxaso Navarro biolontxelistarekin kontzertu bat emango dutela jakinarazi dute. Baina, ez da hor amaitzen Pagoarteren eskaintza, Lorentxo Garmendiak behin-behineko eskultura saio bat egingo baitu, eta Elena Zalakainek San Juan kaperako Jeronimo Larrearen errretaula barrokoaren eskultura irakurketa egingo baitu.
1997an sortu zen Pagoarte kultur elkartea, eta orduz geroztik euskal kultura eta artearen sormen ekimenetan ari da buru belarri. Proiektuaren helburua gaur egungo euskal kultura ezagutzera ematea da, bai eta bidez batez eskulturak euskal kulturan duen eta izan duen presentziari jarraipena ematea “gure nortasunaren ezaugarria mantenduz”.
Aipatutako ekitaldia urriaren 11tik azaroaren 2ra izango da, eta ekimen horrek bi eskultura erakusketa izango ditu; bata Pizkunde garaiko San Juan kaperan izango da, eta bertan Jeronimo Larrearen XVII. mendeko erretaularen aurkezpena egiteaz gain, Oiartzungo zortzi eskulturgileen lanak erakutsiko dituzte. Ekitaldi horretan Anton Mendizabalek Akorde soinu eskulturaren aurkezpena egingo dute Alaia Belaunzaran harpajolearekin batera. Antolatzaileek azpimarratu dute ekitaldi horiek bi larunbatetan errepikatuko direla.
Eta, aipatutakoaz gain, bigarren erakusketa Arizmendienea parkean izango da. Kokaleku horretan zortzi eskultura egongo dira ikusgai, eta horiek oiartzuarrenak zein kanpoko artistenak izango dira. Alabaina, urriaren 18an behin-behineko eskulturak eraikiko dituzte Lorentxo Garmenda eskultoreak eta 8-12 urte haurrek gazteek.
Hona hemen ekitaldietan parte hartuko duten artisten izen abizenak:
- Pablo Zuriarrain.
- Uxue Lasa.
- Anton Mendizabal.
- Ainara Lasa.
- Iñigo Aristegi.
- Idoia Beratarbide.
- Juan Azpitarte.
- Leire Sainz de Aja.
- Gillermo Olmo.
- Onintza Etxebeste.
- Mikel Barrero.
- Blanca Sagasti.
- Javier Perez.
- Belen Moreno.
- Lorentxo Garmendia.
Xehetasunak
Egitaraua
- Urriak 11, larunbata.
- 12:00, San Juan kaperam.
- 9 eskulturen erakusketaren inaugurazioa.
- Jeronimo Larrearen erretaularen azalpena.
- Akorde soinu eskulturaren aurkezpena biolontxeloarekin.
- 13:00, Arizmendieneako lorategian.
- 8 eskultura handien erakusketaren inaugurazioa.
- 12:00, San Juan kaperam.
- Urriak 17, ostirala.
- 17:30, Arizmendieneako lorategian.
- Gaztetxoen berrerabiltzeko materialekin eskulturak eraikitzea.
- 17:30, Arizmendieneako lorategian.
- Urriak 26, igandea.
- 11:00, Arizmendieneako lorategian.
- Behin-behineko eskultura bat egitea.
- 11:00, Arizmendieneako lorategian.
- Azaroak 2, igandea.
- 18:00, San Juan kaperan.
- Erakusketen itxiera ekitaldia.
- Inaugurazioaren errepikapena.
- 18:00, San Juan kaperan.
