Yolaren jardunaldi kulturalek lau jarduera izango dituzte
Yola elkarteak prest ditu IX. jardunaldi kulturalak. Jarduerak hilaren 29an eta azaroaren 5ean, 12an eta 19an izango dira.
Donibaneko Yola elkarteak prest ditu IX. jardunaldi kulturalak. Aurtengo jardunaldiek lau jarduera izango dituzte: hilaren 29an eta azaroaren 5ean, 12an eta 19an. Hilaren 29an Paco Etxeberriak Leizea. Egia izango da dena hitzaldia eskainiko du Juanba Berasategi aretoan, 19:00etan. Azaroaren 5ean David del Vallek Epidemia. San Juanek eusten dio hitzaldia emango du Juanba Berasategin, 19:00etan. Azaroaren 12an Zerua ere badago itsasoaren gainean filma proiektatuko dute Juanba Berasategin, 19:00etan. Azkenik, azaroaren 19an Sanjuandar irribarre bat jardunaldia jasoko du Yola elkartearen egoitzak, 20:00etan.
