Txerri Eguneko egitaraua, argitara
Datorren larunbatean (hilak 20) ospatuko dute Oiartzunen Txerri Eguna, eta goizean hasita, zenbait jarduera izango dira herrian.
Datorren larunbatean (hilak 20) ospatuko dute Oiartzunen sona handia duen Txerri Eguna. Madalensoro eta Elizalde ikastetxeko frontoia izango dira egitasmoko gune nagusiak, eta goiza girotzeko antolatu dituzten jarduera sorta argitaratu dute berriki antolatzaileek.
Goizeko hamarretan hasiko dute bizilagunek eguna, artisau eta ganadu feria egongo baitira eguerdiko ordu biak bitartean. Tartean, baina, 11:15ean, Haurtzaro dantza taldearen emanaldia izango da beheko plazan. Hori, baina, ez da izango egun horretako dantza saio bakarra, 12:00etan Elizalde dantza taldearen txanda izango baita Elizalde ikastetxea. Azkenik, goizari amaiera emateaz Olarri dantza taldea arduratuko da beheko plazan, 13:00etan.
Antolatzaileek, era berean, oroitarazi dute Elizalde ikastetxean artisau eta ganadu feriaz gain, taloak ere egongo direla. Horretaz gain, aurreratu dute Uxue Alberdi egongi dela liburuak sinatzen.
Azkenik, herritarrak baserritar jantziarekin joateko deia luzatu dute, saria izango baita.
Hona, beraz, egun horretako egitaraua:
- 10:00-14:00. Artisau eta ganadu feria.
- 11:15. Haurtzaro dantza taldearen emanaldia beheko plazan.
- 12:00. Elizalde dantza taldearen emanaldia Elizalde ikastetxean.
- 13:00. Olarri dantza taldearen emanaldia beheko plazan.
