Hiru garaipen lortu ditu Oiarpek zenbait txapelketatan
Asteburu honetan Negua Txapelketako zein Ezker Hormako Kluben Arteko Gipuzkoako Txapelketako buruz buruko finalak jokatu dituzte. Oiarpek lau partida jokatu ditu, eta horietatik hiru irabazi.
Iragan asteburuan Negua Txapelketa eta Ezker Hormako Kluben Arteko Gipuzkoako Txapelketako finalak jokatu dituzte zenbait herritan. Oiarpek bina final jokatu ditu lehiaketa bakoitzean; orotara, hortaz, lau partida jokatu dituzte, eta horietatik hiru irabazi dituzte.
Negua Txapelketari dagokionean, jubenilen eta kadete mailan lehiatu dira oiartzuarrak. Beñat Elizegi Garaiar eta Alex Otegi Mayozek osatu dute jubenil mailako Oiarperen taldea, eta 22-6 galdu dute Azkoitiko Oteizaren aurka. Kadete mailan, alabaina, Harkaitz Ubiria Perez eta Amaiur Artetxe Garmendiak jokatu dute partida Aizkorperen aurka, eta 22-21 irabazi dute norgehiagoka.
Bestalde, Ezker Hormako Kluben Arteko Gipuzkoako Txapelketako buruz buruko finaletan lehenengo mailako nagusiak eta bigarren mailako jubenilak izan dira Oiarperem izenean jokatu dutenak, eta bi partidak irabazi dituzte.
Lehenengo mailako nagusietan Oier Zabala Ibarrak Tolosako Aitor Altunaren aurka jokatu zuen partida, eta 22-18 irabazi zuen oiartzuarrak. Bigarren mailako jubenilen mailan, haatik, Unax Oiartzabal Goyak 22-13 irabazi zion Oier Izagirre Bendoiro ataundarrari.
Jarraian, Gipuzkoako Euskal Pilota Federazioak helarazitako zenbait irudi.
