'Urmendi beti herri 0-3 bizirik!' plataformak sinadura bilketak egingo ditu
Gaur eta hilaren 9an (astelehena) egingo dituzte sinadura bilketak Urmendiko sarreran, ikastetxeen inguruetan eta kiroldegian.
Urmendi beti herri 0-3 bizirik! herri plataformak sinadura bilketak egingo ditu gaur (hilak 4) zein datorren astelehenean (hilak 9) 16:15etik aurrera. Urmendiko sarreran, ikastetxeen inguruetan edota kiroldegian egongo da sinatzeko aukera.
Alabaina, zenbait gune iraunkor ere badaude nahi denean sinatzeko: Urmendiko sarrera, ikastolako idazkaritza eta Labore, urrenez urren.
Horretaz gain, jakinarazi dute hilaren 10ean Legebiltzarreko ordezkari bat Urmendi proiektua ezagutzera joango dela Oiartzungo Udalak hala gonbidatuta, et,a egun horretan, plataformaren izenean, irakurketa eta jasotako sinadura guztiak emango zaizkiola ordezkariari “oiartzuarron hitza entzun dezatela eskatzeko”.
