Dantzan hasi dute maiatza
Gaur Maiatzaren Lehena da, eta urtero bezala, Ereintza Dantza Taldeak antolatzen duen Dantzari Txiki Eguna egiten ari dira.
Gaur Maiatzaren Lehena da, Langileen Nazioarteko Eguna, baina baita Errenteria-Oreretako Dantzari Txiki eguna ere. Urtero bezala, dantza protagonista izaten ari da herriko Erdialdean, zientoka dantzari gaztek kaleak bere egin baitituzte aurten ere. 11:30ean hasi da Koldo Mitxelena plazan Ereintza Dantza Taldeak antolatzen duen herri dantzaldia, eta lehen erakustaldiak egin ondoren, herriko kaleak hartu dituzte, txistulari eta musikariak lagun. Herria dantzan jarri ondoren, 13:30ean izango da goizeko emanaldi nagusia, Zumardian.
Bazkaldu ondoren, festak jarraipena izango du arratsaldean, 16:30ean erromeria izango baita Zumardian Eneko Apaolaza, Iraitz Urkizu eta Garazi Etxebesteren eskutik.
Hona hemen goizak utzitako hainbat argazki:
