Musikak hartu zuen Oiartzun maiatzaren lehenean
Oiartzuarock jaialdia egin zuten ostiralean Oiartzunen. Egun osoko egitaraua prestatu zuten, eta handira ospatu zuten musika Doneztebe plaza inguruan.
Ostiralean, maiatzaren lehenean ospatu zuten Oiartzunen Oiartzuarock jaialdia, eta antolatzaileek pozik azaldu dute “musikaz bete” zela plaza. Egun osoko egitaraua zuten antolatuta Doneztebe plaza ingururako, eta 12:30ean eman zioten egunari hasiera Amaita Swing taldearekin, Ibargain musika eskolako ikasleen gurasoen proiektuarekin, alegia.
Bertsioak jo zituen talde horrek, eta horien ondotik June eta Nikole Galardi igo ziren oholtzara euren abesti propio eta bertsio ezagunak abestera.
Bazkaltzeko ordua iritsi zen gero, eta Ugaldetxoko eskolako kideek prestatutako paella jan zuten bertaratutakoek.
Behin indarrak hartu zituztenean, Itxaronen txanda izan zen, eta Goiko eskolako Aximilak taldeak eman zuen kontzertua gero. Bat-Artek, gero, dantzan eta jolasean jarri zituzten herritarrak.
Egitarauari amaiera emateko The Purples, Mala Ruina eta Zurrounk taldeen txanda izan zen.
Antolatzaileek eskerrak eman nahi izan dizkie herritar, musikari eta laguntzeko prest agertu diren orori.
Hona hemen Oiartzuarock-ek HITZAri helarazi dizkion irudiak:
