INDARKERIA MATXISTA

Arguedasko erailketa matxista salatuko dute bihar

Oiartzungo Feministen Asanbladak elkarretaratzea deitu du biharko. 17:45ean elkartuko dira, Doneztebe plazan.

Emakume bat erail du gizon batek Arguedasen, Nafarroan.  Foruzainak azaldu duenez, gizon bat Guardia Zibilaren Valtierrako eraikinera joan, eta han aitortu zuen emaztea hark hil zuela. Are, kontatu zuen emakumearen gorpua etxean zegoela.

Foruzainek eta Guardia Zibilak ikerketa bat abiatu dute gertakariak ikertu eta argitzeko. –Berria egunkariak luze eta zabal eman du kasuaren berri–.

Erailketa matxista salatzeko, Oiartzungo Feministen Asanbladak elkarretaratzea deitu du biharko (hilak 20). Topaketa 17:45ean izango da, Doneztebe plazan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.