Eztena Jaialdiaren hemezortzigarrena prest
Mikelazulo Kultur Elkartean egin zuten egitarauaren aurkezpena AH Ahots Hutsez polifoniaren eta Javier Barandiaran Pedradasen 'La Fiesta Fiesta' emanaldiak lagunduta.
Eztenaren aurkezpen ekitaldia.Eztena Jaialdia Eztena Jaialdiak, hemezortzigarren ekitaldirako ondu duen egitaraua aurkeztu zuen pasa den larunbatean. Berezia izan zen aurkezpen hori kontzertua eta emanaldi batekin osatu baitzuten antolatzaileek. Zehazki AH (Ahots Hutsez) polifoniaren kontzertua eta JB Pedradasen, Javier Barandiaranen, La Fiesta Fiesta emanaldiaz lagunduta.
Eztena Jaialdiaren atzean, Eztenako lantaldea eta Zizt! Kultur elkartea. aurtengoa, ekainaren 5etik 7ra egingo dute. antolatutakoen artean, Laia Estruchen soinu adierazpen forma berriekin esperimentatzeko ikastaroan izena emateko epea atzo zabaldu zuten eta dagoeneko bete dira plaza guztiak. Jaialdiak Macarena Recuerda, Maria Ibarretxe, Nazario Diaz, Peru Galbete eta Andrea Berbois, Tartar Kolektiboa, eta Victoria Aime sortzaileen piezak hartuko ditu.
Eztena jaialdiaren gaineko informazio guztia, hemen klik eginda.
Ondoko aurkezpen ekitaldiko argazkiak, zein albistearekin doan argazkia Karlota Castrillorenak dira.
