Krosarekin hasiko da Gaztañoko jaien bigarren eguna
Herri afaria izango da jaietako bigarren eguneko ekitaldi garrantzitsuenetako bat, baita emakumeen bigarren pala txapelketa ere.
Laino Beltzak taldea izango denetako bat Gaztañoko jaien barruan.Laino Beltzak Tantaka ari da zabaltzen jai egitaraua Gaztañoko jai batzordea aurten ere, astez aste, aurreko astean hasita. Ekainaren 12tik 14ra egingo dituzte eta Vatikanoa bilakatuko den auzoan, egitarau zabala ondu dute hiru egunerako. Joan den astean zabaldu zuten lehenengo egunerako antolatutakoak, eta aste honetan bertan, larunbatekoen (ekainak13) berri eman dute jai batzordeko kideek.
Lasterketak esnatuko du auzoa. Izan ere, klasiko bat bilakatu den Gaztañoko krosaren hamahirugarrena egingo dute. Ondoren etorriko da haur krosa. Izena emateko baliatu esteka hau.
Lasterketa bukatuta, pintxo potea indarrak berreskuratzeko, eta ondoren, bizikleta ginkana egingo dute. Horretan parte hartzeko beharrezkoa da norberak eramatea bizikleta eta kaskoa ere.
Erabilera anitzeko gunean egin dute kirolarekin hurrengo hitzordua, arratsaldez izango da, 15:00etan hasita, Emakumeen Pala Txapelketaren bigarren ekitaldia. Ordu horretan egingo dituzte beroketak; partidak, berriz, 16:00etatik 18:00etara egingo dituzte; eta finala, berriz, 18:00etatik 19:00etara. Mus txapelketa, gazte asanbladak antolatuta haurrentzako jolasak, eta sobera ezaguna den Bixkor txaranga auzoan barrena.
Larunbatean sobera fama duen auzo mozorro afariaren txanda helduko da 21:00etan. Afaltzera bai, baina mozorroa ahaztu gabe bertaratzeko deia egin dute jai batzordeko kideek. Aurtengo gaia, Vatikanoa izango da.
Ondoren kontzertua izango da Zabala Enea II Gaztetxean, 23:00etan hasita. Kumbialari, Laino Beltzak eta Argi Ta Garbi taldeak ariko dira. Ondoren, eta auzoko karpan, DJ Bull.
Auzoko jaietako kamisetak erosteko deia ere egin dute jai batzordeko kideek. 10 euroan izango dira salgai bihartik (hilak 20) hilaren 24ra 11:00etatik 13:00etara, eta Hilaren 25etik 27ra egunero 19:00etatik 21:00etara auzo lokalean. Bazkarirako sarrerak, 15 euroan izango dira salgai egun eta leku berean, eta aurtengo berrikuntza gisa, jaietako banderola ere izango da salgai, 5 euroan.
