Mendekosteetan, apaingarri olinpikoak
Lezoko Herri Olinpiaden hirugarren saioan festei begirako pankarta lehiaketa egin dute. Apaingarri horiek festetan jarrita izango dira.
Taldeetako bat, bere sorkuntza aurkezten.Lezoko Herri Olinpiadak / Instagram Jakina da asteburu honetan izango direla Mendekoste Festak, ostiraletik (hilaren 22tik) 24ra zehazki. Lezoko Herri Olinpiaden hirugarren jardunaldian, mendekosteei begirako proba egin zuten: apaingarriak egitea izan zen hilaren 16ko saioan taldeek egin beharreko proba. Pankarta lehiaketa egin zuten, horiek herriko txokoetan jarri eta mendekosteetan kaleak girotzeko. Sormen lan handia egin zuten taldeek plastiko eta margo artean.
Hilaren 16ko apaingarrien proban Bidea Gara taldea izan zen garaile, eta haien atzetik hurrenez hurren Kaña, Lez Go!, Al-dekhflipau, Errefusa, Beatzi Gau eta Sugarrak sailkatu ziren. Haiek egindakoak ikusteko joan olinpiaden sare sozialetara.
Aurtengo Lezoko Herri Olinpiaden azken saioa ekainaren 27an izango da, finalaren eguna hain zuzen ere.
Jarraian, hiru proba egin ondoren, sailkapen nagusia:
- 1. Bidea Gara, 230 puntu.
- 2 Al-dekhflipau, 230 puntu.
- 3. 2 Kaña, 180 puntu.
- 4. Errefusa, 160 puntu.
- 5. Lez Go!, 150 puntu.
- 6. Beatzi Gau, 130 puntu.
- 7. Perretxikuak, 100 puntu.
- 8. Pronponpon, 90 puntu.
- 9. Sugarrak, 40 puntu.
- 10. Kosto de Marfil, 0 puntu.
