INDARKERIA MATXISTA
Oiartzungo Udalak Arguedasko hilketa matxista salatu du
Erailketa gogor gaitzetsi eta gizarte parekide baten alde lanean jarraitzeko konpromisoa berretsi du. Gaurko elkarretaratzera bertaratzeko deia luzatu dute.
Gizonezko batek 44 urteko bikotekidea, 8 urteko haur baten ama, hil du Arguedasen (Nafarroa). Hiltzaileak bere burua entregatu zuen, eta erailketa aitortu Valtierrako Guardia Zibilaren egoitzan.
Euskal Herrian jazotako laugarren hilketa matxista da Arguedaskoa, eta Oiartzungo Udalak erailketa matxista “gogor gaitzetsi eta gizarte parekide baten alde lanean jarraitzeko konpromisoa” berretsi du.
Oiartzungo Feministen Asanbladak elkarretaratzea deitu gaurko. 17:45ean izango da, Doneztebe plazan, eta udalak deialdiarekin bat egiteaz gain, herritarrei bertaratzeko deia luzatu diete.
