Oiartzun KEko neskak, Donosti Masters Cupeko txapeldun
Madrildik etorritako Olympia taldearen aurka jokatu zuten partida, eta 2-0 irabazi zuten norgehiagoka etxekoek.
Asteburu honetan Donosti Masters Cup 2026ko finalak jokatu dituzte Euskal Herriko zenbait txokotan; tartean, Oiartzunen. Karla Lekuona futbol zelaian, esaterako, 30 urtetik gorako emakumeen finala jokatu zuen Oiartzungo taldeak, baita irabazi ere.
Azaldu dutenaren arabera, Oiartzun KEk txapelketa osoan zehar erakutsitako maila berretsi zuen azken norgehiagokan, eta 2-0 menderatu zuen Madrildik etorritako Olympia taldea. Oiartzuarrak “indartsu” zelairatu ziren hasieratik, eta baloiaren jabetza izateaz gain jokoaren beraren erritmoa kontrolpean izan zuten.
Taldeak egindako lanaren ondorioz markagailua irekitzeko aukerarik ez zen falta izan, eta Napok sartu zuen lehen gola. Lehen golaren ondotik Olympia erreakzionatzen saiatu zen, baina etxekoen bigarren gola sartu zuten, eta 2-0 amaitu zen partida, oiartzuarrak Donosti Masters Cup nesken kategoriako txapeldun izendatuz.
