Euskal Jaia, bero-beroa
Euskal jaiekin gozatzeko eguna da gaurkoa Lezon, festa eguna. HITZA herrien arteko desafioan eta sagardoaren festan izan da, bideo eta argazkiak biltzen.
Mendekosteetatik jada bi asteburu igaro badira eta festa bukatutzat eman bazen ere, jai giroa Lezora itzuli da, gaurkoa ere ospatu beharreko egun horietakoa baita. Euskal Jaiak ospatzen ari dira gaur lezoarrak, nola gainera.
Goizean herri kirolak, kalejira eta kantujira izan dira. Arratsaldean heldu da eguneko une seinalatuenetakoa. Desafioa izan dute lezoarrek Donostiako Jarana Herri Kirol Taldearen kontra. 3-2 irabazi diete donostiarrei, beraz, etxean geratu da gaurko garaipena.
Eguraldia lagun izan dute herritarrek -gehiegi akaso-. Beroari aurre egiteko egun aproposa dirudi gaurkoa, egitarau horren barruan Sagardo Festa egin baitute. Gurutze Santuaren plaza egarri ziren lezoarrez bete da, urteko uzta dastatu eta honekin frexkatzeko asmoz.
HITZA desafioan eta sagardoaren festan izan da, honako argazki eta bideoak biltzen:
