Oiartzungo euskaltzaleen lehenengo plaza, asteartean
Hilaren 30ean elkartuko dira, lehenengoz, euskararen egoerak kezkatzen dituen herritarrak. 17:30ean izango da saioa, Landetxen.
Oiartzunen Euskaltzaleon Plaza egitasmoko lehen saioa egingo dute asteartean, hilak 30. Nahi duen bizilagun oro bertara daiteke hitzordura, eta helburua da denen artean “bakoitzaren lehentasunak eta inplikazio mailak kontuan hartuta, Oiartzunen zer egin dezakegun” pentsatzea. “Kezkak dantzan jarri, ideia zaparrada bota eta ekintzetara pasako gara”. Jardunaldiaren helburua, antolatzaileek diotenez, “euskararen alde egotetik euskararen alde egitea” da; “denok dugu zer esana, zer emana eta zer ikasia. Elkarrekin, betiere, indar handiagoa egingo dugu”.
Lehenengo topaketa hori Landetxeko bigarren solairuan izango da, 17:30ean.
Duela egun batzuk HITZAk Euskaltzaleen Sarea egitasmoaren erreportaje sakon bat argitaratu zuen. Egin klik hemen osorik irakurtzeko.
