Atamitxeko bizikleta parkea berrituko dute
Oarsoaldeko Txirrindulari Eskolak eta Oiartzungo Udalak elkarlanean egingo dituzte berritze lanak. Parke berria abuzturako erabilgarri egotea aurreikusi dute.
Oiartzungo Udalak eta Oarsoaldeko Txirrindulari Esolak lankidetzan Atamitxeko bizikleta parkea berrituko dutela jakinarazi dute. Udalak Atamitxeko bizikleta parkea dagoen orubearen jabearein hitzarmena sinatu zuen duela zenbait hilabete “kudeaketa eta erabilerarako eskumena izateko”, eta, orain, gauza bera egin du txirrindulari eskolarekin “parkea garbitu eta berriz erabilgarri jartzeko”.
“Atamitx bera erabilgarri jartzeaz gain, herriko bete puntu batzuetara ere onurak ekarriko ditu; Txarako basora, esaterako, handik bizikletak aterata”, diote udaletik. Lan horietarako udalak 20.000 euro jarriko ditu, eta aurreratu dutenez lanak hasita daude: aurretiazko lur mugimenduak eta prestaketa lanak egiten ari dira, eta gune hori abuzturako prest egotea aurreikusi dute.
Atamitxeko bizikleta parke berriak erabiltzaile txikienentzako zirkuitu barruti bat, maila guztietako bizikletazaleentzako pump truck-a, maila ertaineko saltoen joan-etorri bat eta esan berri direnetan ikasitakoa praktikan jartzeko salto lerro bat izango ditu. Era berean, Euskal Herriko lehen salto linea ofiziala egin nahi dutela ere jakinarazi dute. Mendiko bizikletarekin ibiltzeko parkea izango da, eta diote erabiltzaile txikienentzako zirkuitu barruti zagor naturalezkoa izango dela, ea saltoen gunea, berriz, lurrezkoa.
Parke horretara Atamitx aldetik sartu beharko da, eta bertan bizikletan ibiltzeko guneez gain iturria, aterpea eta eserlekuak jarriko dituzte.
Txara biziberritu asmoz
Udaletik aipatu dute, bestalde, Txarako basoak zenbait egokitzapen egiteko beharra duela, eta horretan Atamitxeko bizikleta parke berriak lagunduko duela: “Txarak txirrinduan ibiltzeko leku izateari utziko dio, eskola kiroleko jardunaldiak eta txapelketak ere Atamitxen egingo dira”.
Udalak herriko babesleku klimatikoen azterketa egin du, eta 2027an aurkeztuk dute Oiartzungo babesgune klimatikoen sarea. Alabaina, jakinarazi dute Txarako parkea izango dela herriko aterpe klimatiko nagusietako bat.
