Fronte Polisarioaren Euskadiko ordezkari berria, Errenteriako Udalean
Mojtar Labuehi Emboiric Aizpea Otaegi Mitxelena alkatearekin elkartu da udaletxean, eta, besteak beste, interes komuneko zenbait gai landu dituzte.
Aizpea Otaegi Mitxelena Errenteriako alkateak atzo harrera egin zion Mojtar Labuehi Emboirici, Fronte Polisarioaren Euskadiko ordezkari berriari, hain justu. Udaletxean bildu ziren, eta bilera horretan udaleko Kultura Aniztasuna, Giza Eskubideak eta Garapenerako Lankidetza Saileko ordezkariak ere izan ziren.
Hitzordu horrek protokolo izaera edukitzeaz gain eta ongietorria egiteaz gain, “interes komuneko zenbait gai” jorratzea zuen helburu. Era berean, adierazi dute topaketak bi erakundeen artean “dagoeneko existitzen diren lankidetza eta elkartasun loturak sendotzeko” ere izan zela. Hori horrela, Oporrak Bakean programa eta Sahararen aldeko Euskal Karabana bezalako egitasmoak, udalerrian bizi den Saharako diasporaren egoera, edota udalaren eta saharar erakundeen arteko etorkizuneko elkarlan ildo berriak jorratu zituzten.
