Gaur da azken eguna elastikoak eta banderolak erosteko
'Oiartzuarra naz ta harro noz' materiala presentzialki eskatzeko azken egun da gaur. Online, baina, igandera arte eska daitezke.
Oiartzungo Gure Eskuk Oiartzuarra naz ta harro noz elastikoak eta banderolak egin ditu, eta horiek fisikoki eskatzeko azken eguna gaur (hilak 17) izango da. Zehazki, 17:00etatik 19:00etara egongo dira plazan postuarekin, eta produktu horiek eskatzeaz gain Herritu egiteko aukera ere egongo da.
Gainera, nabarmendu dute banderola erosten duenari ikurrina bat ere banatuko zaiola Xanistebanetan etxean jar dezan hala nahi duenak.
Azkenik, jakinarazi dute hilaren 19a izango dela online eskaerak egiteko azken eguna, eta eskaera guztiak abuztuaren 1eko goizean banatuko dituztela.
Xehetasunak
Oiartzuarra naz ta harro noz elastikoak:
- Kolorea: zuria edo beltza
- Prezioak:
- Helduen kamiseta: 12 euro
- Haurren kamiseta: 10 euro
- Banderola (+ ikurrina): 10 euro
- Neurriak:
- Haurrak (4-12 urte): 4, 6, 8, 10, 12
- Helduak (estuak): S, M, L, XL, XXL
- Helduak (zabalak): S, M, L, XL, XXL, XXXL
