Beraungo zenbait kaletako sare elektrikoa berritzeko lanak, abian
Norberto Almandoz eta Aita Donostia kaleetan egingo dituzte lanak bi hilabeteko epean. Behin behineko aparkalekua egokitu dute Pablo Sorozabal plazan.
Errenteriako Udalak jakinarazi duenaren arabera, abiatu dituzte dagoeneko Beraun auzoko Norberto Almandoz eta Aita Donostia kaleetako lurpeko sare elektrikoa berritzeko lanak. Esku hartze hori Iberdrolak sustatu eta gauzatuko du, I-DE Redes Electricas Inteligentes enpresaren bidez, “eremu horretako azpiegitura elektrikoa modernizatzeko eta Errenteriako gune horretako horniduraren kalitatea eta fidagarritasuna hobetzeko helburuarekin”.
Lan horien aurrekontua 240.603,36 eurokoa da, eta enpresa bera udalerrian egiten ari den beste zenbait jarduketaren osagarri izango da. Azaldu dutenez, lanen barruan lurpeko linea elektrikoa berritu eta kanalizazio berriak egingo dituzte, horrela “sare elektrikoa udalerriaren egungo eta etorkizuneko beharretara egokituko” baita. Era berean, jakinarazi dute obrek bi hilabeteko iraupena izango dutela.
Azkenik, azpimarratu dute udalak behin behineko aparkaleku bat egokitu duela Pablo Sorozabal plazaren barrualdean, eta hori 19:00etatik 10:00etatik erabili ahal izango dela.
