Barraketako musika zerrenda osatzeagatik, sariak
Barraketako fitxak eta bozgorailuak zozkatu dituzte herritarren artean, eta sari banaketa abuztuaren 1ean izango da, 17:00etan, barraketan.
Zenbait haur Oiartzungo barraketan.Allende Arnaiz Oiartzungo Elizaldeko Ttirikittauki eta Haurtzaroko Eskuttun taldeetako gazteek antolatuta, aurten ere Xanisteban festetako barraketan entzungo den musika aukeratu dute. Gazteen Topalekuko hezitzaileekin elkarlanean eta udaleko Hizkuntz Normalizaziorako sailarekin elkarlanean egin dute jarduera, eta bertan 10 eta 25 urte bitarteko gazteek hartu dute parte.
Bakoitzak, orotara, hamar abesti gehitu ditu proposamenen zerrendara, horietatik zortzi euskaraz eta bi nahi den hizkuntzetan. Horrela sortu dute Xanistebanetako barraken musika.
Egitasmo horretan parte hartu dutenen artean barraketako fitxak eta bozgorailuak zozkatu dituzte, eta gaur bertan eman dute irabazleen berri Oiartzun Irratian. Orotara 159 pertsonak bozkatu dute proposamenetan; 1500 proposamen jaso dituzte, eta 488 abesti ezberdin bildu dituzte.
Osatutako musika zerrenda USB gailuetan banatuko zaie atrakzioetako jabeei.
Honakoak dira bozketen emaitzak:
- Abesti bozkatuena
- Zu. Hazas eta Malakias. 29 bozka.
- Pozaren gailurra. Autobus magikoa. 26 bozka.
- Bakarrik. Bengo. 26 bozka.
- Talde bozkatuena
- Bengo. 170 bozka.
- Herriko talde bozkatuena
- Bengo. 170 bozka.
- Txiltxoko. 78 bozka.
- Zilibito. 61 bozka.
- Herriko kanta bozkatuena
- Pozaren gailurra. Autobus magikoa. 26 bozka.
- Bakarrik. Bengo. 26 bozka.
- Beldurrik gabe. Bengo. 24 bozka.
Parte hartu duten herritarren artean egin dute zozketa, eta honakoak dira irabazleak:
- Bozgorailuen irabazleak: Maixabel Lareki Martiarena, Irai Perez eta Iker Lekuona.
- Barrekato hiru fitxa sorten irabazleak: Arkaitz Larreta, Laida Perez Oiartzabal eta Nikole Arnaiz Errandonea.
Sari banaketa ekitaldia abuztuaren 1ean izango da, 17:00etan, barraketan.
