50. urteurrena ospatzeko, brindisa
Elizalde Eskolako kideek brindisa egingo dute igandean (abuztuak 2), 20:00etan. Eskolako taberna jarriko dutela ere jakinarazi dute.
Elizaldek eskolaren 50. urteurrena ospatzeko, xanistebanetako brindisa egingo duela iragarri du. Ekitaldi hori abuztuaren 2an (igandea) izango da, 20:00etan.
Era berean, jakinarazi dute eskolako taberna ere jarriko dutela, eta aurtengoan zenbait berrikuntza egin dituztela. Batetik, diote taberna digitalizatzeko web aplikazio bat sortu dutela materialaren kontrol zehatza egiteko, eta menu “inklusiboagoa” prestatu dutela ere jakinarazi dute.
Gainera, bingo bereziaz gain afalostean zuzeneko musika eskaintza egongo dela ere aipatu dute. Azkenik, tabernarekin laguntzeko aukera dagoela gaineratu dute, eta izena eman daitekeela txanda bat eskatzeko.
