Igandean izango da 43. Ehiza Txakur Lehiaketa
8:30ean izango da jarduera, Irastorza baserriko zelaietan. 659 10 67 15 zenbakira idatzi behar da ekintzan izena emateko.
Bizardia elkarteak eta Gipuzkoako Ehiza Federakuntzak 43. Ehiza Txakur Lehiaketa antolatu dute xanistebanetarako. Zehazki, abuztuaren 2an (igandea) izango da jarduera, eta bertan izena eman daitekeela jakinarazi dute.
Orotara hiru kategoriatan banatuko dute ekitaldia: txakur britainiarra, txakur kontinentala eta ehiza txakurra. Diotenez, Gurutzeko elkartean 07:30ean elkartuko dira, eta lehiaketa ordubete beranduago hasiko da, Irastorza baserriko zelaietan.
Izena emateko Jon Gelbentzuri idatzi edota deitu behar zaio –659 10 67 15–, eta adierazi zein mailatan parte hartu nahi duen pertsona bakoitzak. Alabaina, azpimarratu dute hamazazpi urtetik beherakoen izen ematea doan dela. Bestela, txakur batekin izena eman nahi duenak 20 euro ordaindu beharko ditu, eta birekin izena eman nahi duenak, berriz, 30 euro.
Azkenik, nabarmendu dute “sari berezia” egongo dela lehen oiartzuarrarentzat.
