Lehertu da festa!
Urmendi Udal Ikastola Patzuergoko ordezkariek bota dute aurtengo txupinazoa, eta herritarrak bost eguneko jai girorako prest dira.
18:00ak aldera Doneztebe plaza jendez betetzen hasi da. Oraindik 30 minutu falta dira jaiei hasiera emango dien soka dantza hasteko; dagoeneko herritar ugarik badute urdin koloredun aurtengo xanistebanetako zapia. Udal ordezkariak eta aurtengo omenduak udaletxera sartu dira, minutu gutxi falta baitira jaiak hasteko.
18:30ean, puntu-puntuan, soka-dantzak herriko plaza bete du. Joana Mendiburu alkatea buru udal ordezkariak eta aurtengo omenduak eskutik helduta plazaren erdialdera atera dira. Bertan, soka-dantzaz gain, alpargata, aurreskua, arin-arina eta kalejira dantzatu dituzte. Eguzkipean, berriz, ehunka oiartzundar bildu dira txupina noiz lehertuko zain.
Soka-dantza amaituta, plazatik udaletxeko balkoira igo dira dantzan aritu diren udal ordezkariak Urmendi Udal Ikastola Partzuergoko ordezkariekin batera. Beraiek dira aurtengo jaien hasieraren protagonistak. 19:00etan, mikrofonoa eskuan hartu eta emozioz beteta, Urmendiko ordezkariek eskerrak eman dizkiete urteotan izandako langile zein familia denei. “Eskerrak eman dizkiegu ere duela 27 urte Oiartzungo Udal Ikastola Partzuergoa sortzeko ausardia izan zutenei”.
Txupina lehertzearekin batera bost eguneko jaiei hasiera eman diete oiartzuarrak. Jarraian, HITZAk txupinazoan ateratako argazkiak, eta biharko egitaraua.
Xanistebanak 2026, egitaraua
- 07:00 Sokamuturra, Ormazabal parkinaren ondoko belazean. antolatzailea: auzokalte elkartea.
- 07:00 Gosari txow, txosnagunean ( Kontzejupean).
antolatzailea: aia. - 09:00 Goiz Eresia. antolatzailea: Lartaun txistulari taldea.
- 10:30 Festetako kanpai joaldia. antolatzaileak: Oiartzungo kanpai joleak.
- 11:00 Lartaun abesbatza kantuan eta Begoña Bergaretxe harmoniumean, Meza nagusia Done Eztebe Parrokian.
- Ondoren 49. KOntzErtu HErriKOia, Kontzejupean, Euskal doinu, kanta eta dantzetan oinarritutako emanaldia. antolatzailea: Lartaun txistulari taldea.
- 11:30 ur PuzGarriaK, Landetxe plazan. antolatzailea: aia
- 16:00 Madalensoro pilotalekuan, Oiartzungo auzoen arteko 38. Sokatira txapelketa. antolatzailea: artaso Elkartea
- 17:00 ipuin kontaketa 3 urtetik gorako haurrentzat. Ondoren, askari osasungarria arizmendienean ( udaletxeko aretoan).
antolatzailea: Elizaldeko Guraso Elkartea. - 19:30 Dantza BiLEra Lartaun txistulari taldearen eskutik, Landetxe Plazan. antolatzailea: Lartaun txistulari taldea
- 23:00 Musika Jaialdia, Done Eztebe plazan:
bide batez. antolatzaileak: Musika Batzordea - 23:00 Musika Jaialdia, txosnagunean.
Süne. antolatzaileak: Musika Batzordea
