Xabier Salillas, bigarren Bordelen
Larunbatean hiru orduko nazioarteko lasterketa jokatu zen Frantzian, eta 26.700 metro osatuta, zilarra zintzilikatu du martxa lasterkari antxotarrak.
Xabier Salillas martxa lasterkari antxotarra bigarren izan da Bordelen jokatutako hiru orduko nazioarteko lasterketan. Proba iragan larunbatean jokatu zen, eta emaitza bikainarekin itzuli da etxera: podiumera igotzeaz gain, probaren errekorra hautsi zuten Salillasek eta irabazleak.
Bordeleko lasterketa hiru ordukoa zen, eta 1.400 metroko zirkuitu batean lehiatu zen. Salillasek 26.700 metro osatu zituen zilarrezko domina zintzilikatzeko. Honakoa izan da Salillasen laugarren aldia Bordelen, eta primeran aritu da beti: hirutan izan da bigarren, eta behin hirugarren. Proba guztietan izan da podiumean.
