Garagaztaño barruko bazkariko txartelak hilaren 7ra arte salgai
Gorka eta Jon Telletxea anaien omenez antolatu dute Gaztañoko jai batzordeak, auzotarrek, inguruko garagardogileek, eta norbanako ugarik jositako sareak.
Gaztañoko erabilera anitzeko guneak hartuko du Telletxeatarren omenezko egun osoko festa. Gorka Telletxea eta Jon Telletxearen omenez Garagaztaño artisau garagardo festa antolatu dute Gaztaño auzoan hilaren 12an, larunbata. 2025eko irailaren 13an hil zen Gorka, eta aurtengo martxoaren 2an Jon. Oso ezagunak ziren Telletxeatar anaiak eta etxe izan zuten auzoak maitasunez oroituko ditu festaren bueltan.
Egitarau zabala antolatu dute Garagaztaño azokaren barruan eguerdian hasi eta gauerdira arte, bazkaria tartean. Bazkari horretarako txartelak salgai dira jada Arkaitza, Reyna eta Leku Zaharra tabernetan, 25 euroan, eta hilaren 7ra arte, astelehena erosi ahalko dira. Menua, honakoa: saltxitxak, txorixo egosia, karrillerak saltsan eta browniea. Hori guztia bustitzeko garagardoa prezioaren barne, eta garagardoa nahi ez dutenentzat, ura, sagardoa eta bestelakorik ere izango dela azaldu dute antolatzaileek.
HITZAk aste ostiraleko paperekoan zabalago landuko ditu Garagaztañoren ingurukoak.
