Ondo jan dute adinekoek, gustura
Santakrutzetako egunik handienean euren tartea izan dute adinekoek. Bazkaria egin dute Bekoerrota kiroldegian.
I-14 eguna denena da. Santakrutz Eguna lezoar guztiena, eta herritar guztientzat da. Horren seinale, adinekoek bazkaria egin dutela Aitonen eta Amonen Bordak antolatua, Lezoko Udalaren laguntzarekin. Dozenaka adineko bildu dira Bekoerrota kiroldegiko kantxan, gustura asko.
Aitonen eta Amonen Bordako ordezkariek hizketaldi labur batekin eman dute otorduaren txupinazoa. Udala eta udal langileak eskertu dituzte, eta bazkariaz umorez eta giro atseginean goza dezatela esan diete han zirenei. Jakiak prestatu dituen jatetxeari ere keinua egin diote. Hizketaldiko baflearen ondoan, sintetizadore edo piano moderno horietako bat zegoen; traza du adinekoek dantzan egingo dutela Santakrutz Eguneko arratsaldea.
Segidan, bazkari hasierako hainbat irudi.
