Eragozpenak trafikoan eta autobus zerbitzuetan Behobia-Donostia dela eta
Igandean egingo den Behobia-Donostia herri lasterketak hainbat trafiko eragozpen sortuko ditu Irunen eta inguruan (ikus Oarso Bidasoaren gaineko albistea). Pausu eta Behobia arteko zubia goiz-goizetik moztuko dute, eta Santiago zubia erabili beharko da Gipuzkoatik Lapurdira eta Lapurditik Gipuzkoara autoz joateko. Trafiko eragozpen gehienak Irunen sortuko dira, batez ere Behobian. Udaltzainek 06:00etatik 13:00etara Osinbiribil eta Zaisa III biribilguneen arteko bidea moztuko dute. Nafarroatik datorren trafikoa Antonttipitik desbideratuko dute, eta Nafarrorantz doana Dario Regoyos kaletik. Gainera, 10:10tik 12:15era lasterketaren ibilbideko trafikoa moztuko dute: Nafarroa etorbidea, Colon pasealekua, Gipuzkoa etorbidea, Elizatxo eta Katea. Eragina autobusetan ere Irungo autobusetan ere eragingo du, bai Ekialdebusekoetan, eta baita Irunbusekoetan. Ekialdebusek jakinarazi du hainbat zerbitzu ezin izango dituela eman lasterketa egingo den orduetan. Bidasoan, E25, E26 eta E21 lineek mozketak izango dituzte. Hondarribia eta Irun artean zerbitzua ematen duen E25 autobusaren azken autobusa 09:35ean irtengo da Irundik, eta 12:45ean lasterketa ondorengo lehena. Irun eta Donostia arteko E26 lineako azken autobusa 09:00etan abiatuko da Irungo Gipuzkoa etorbidetik, eta gutxi gorabehera 13:00etan itzuliko da zerbitzua; bitartean, Hondarribia kaleko geltokia izango da lehen eta azken geltokia. Mozketak irauten duen bitartean Donostian bi geltoki ezabatuko dituzte, Gipuzkoa enparantzakoa eta Okendo kalekoa, eta Pasai Antxo, Buenavista eta Eskalerilak geltokiak ere kenduko dituzte; [...]
Igandean egingo den Behobia-Donostia herri lasterketak hainbat trafiko eragozpen sortuko ditu Irunen eta inguruan (ikus Oarso Bidasoaren gaineko albistea). Pausu eta Behobia arteko zubia goiz-goizetik moztuko dute, eta Santiago zubia erabili beharko da Gipuzkoatik Lapurdira eta Lapurditik Gipuzkoara autoz joateko.
Trafiko eragozpen gehienak Irunen sortuko dira, batez ere Behobian. Udaltzainek 06:00etatik 13:00etara Osinbiribil eta Zaisa III biribilguneen arteko bidea moztuko dute. Nafarroatik datorren trafikoa Antonttipitik desbideratuko dute, eta Nafarrorantz doana Dario Regoyos kaletik. Gainera, 10:10tik 12:15era lasterketaren ibilbideko trafikoa moztuko dute: Nafarroa etorbidea, Colon pasealekua, Gipuzkoa etorbidea, Elizatxo eta Katea.
Eragina autobusetan ere
Irungo autobusetan ere eragingo du, bai Ekialdebusekoetan, eta baita Irunbusekoetan. Ekialdebusek jakinarazi du hainbat zerbitzu ezin izango dituela eman lasterketa egingo den orduetan. Bidasoan, E25, E26 eta E21 lineek mozketak izango dituzte. Hondarribia eta Irun artean zerbitzua ematen duen E25 autobusaren azken autobusa 09:35ean irtengo da Irundik, eta 12:45ean lasterketa ondorengo lehena.
Irun eta Donostia arteko E26 lineako azken autobusa 09:00etan abiatuko da Irungo Gipuzkoa etorbidetik, eta gutxi gorabehera 13:00etan itzuliko da zerbitzua; bitartean, Hondarribia kaleko geltokia izango da lehen eta azken geltokia. Mozketak irauten duen bitartean Donostian bi geltoki ezabatuko dituzte, Gipuzkoa enparantzakoa eta Okendo kalekoa, eta Pasai Antxo, Buenavista eta Eskalerilak geltokiak ere kenduko dituzte; gertueneko geltokia Kaputxinoetakoa izango da.
Irunbus autobusetan aldaketak
Irunbuseko autobusei dagokionez, Zaisa eta Ospitala arteko biea egiten duen 1 lineak ezingo du egun osoan Behobiaraino iritsi, eta Osinbiribilen geratuko da. 10:00etatik 13:00etara soilik Ospitala eta Hondarribia kalea artean ibiliko da.
2 linea (Olaberria-Larreaundi-Ospitalea) 10:10etik 13:00etara ez da ibiliko, ohiko ibilbidea ezingo duelako egin.
Ordu tarte berean 3 lineak bere ibilbidea aldatu beharko du: joanekoan ez da Nafarroa ibilbidetik joango, azta bueltakoan Uranzu kaletik. Ibilbide hau hartuko du: Arbes-Alzukaitz-Uztapide bertsolaria-Ama Xantalen-Ermita kalea-Arbes eta hor hartuko du ohiko ibilbidea.
