Iñaki Beobideri emango diote Argizaiola Saria
Lezon bizi den Iñaki Beobide (Zumaia, 1934) omenduko dute Durangoko Azokaren aurtengo ekitaldian. Izan ere, Argizaiola Saria emango dio azokaren antolatzaile den Gerediaga elkarteak. Abenduaren 4tik 8ra ospatuko dute azoka Bizkaiko udalerri horretan. ...
Lezon bizi den Iñaki Beobide (Zumaia, 1934) omenduko dute Durangoko Azokaren aurtengo ekitaldian. Izan ere, Argizaiola Saria emango dio azokaren antolatzaile den Gerediaga elkarteak. Abenduaren 4tik 8ra ospatuko dute azoka Bizkaiko udalerri horretan.
Beobideren ibilbidea omendu nahi dute horrela. Euskararen eta euskal kulturaren alde egindako lana aitortuko diote. Izan ere, pasa den mendeko 60ko hamarkadan euskal kulturak izan zuen susperraldian lan handia egin zuen Beobidek.
Hainbat arlotan aritu zen. 50eko hamarkadaren bukaeran Jarrai antzerki taldean ibili zen. Atzerriko egileen antzezlanak euskaratu zituen.
Herri Gogoa diskoetxearen sortzaileetako bat izan zen, eta euskal kantagintza berriaren hainbat disko grabatu zituzten bere estudioan.
70eko hamarkadaren hasieran Ikuska liburu saila sortu zuen, Txillardegi eta Benito del Vallerekin batera, euskarazko hezkuntzan eta liburugintzan eragiteko asmoz. Gipuzkoako Foru Aldundiko Dantza, Antzerki eta Ahozko Literaturazko arduraduna izan zen.
Horrez gain, ETBren sorreran parte hartu zuen, aholkulari gisa, eta ekoizle lanetan ere aritu izan da.
