Alderdi guztiek bat egin dute San Juan plazan hotel bat eraikitzeko asmoarekin
Irungo Udalbatzak San Juan plazan lau izarretako hotel bat eraikitzeko lehen harria jarri du. Izan ere, Colon pasealekua eta Foru eta Leon Iruretagoiena kaleen artean dagoen 1.500 metro koadroko lurzorua jarduera horretarako bideratzeko baldintzen pliegoa onartu zuten aho batez asteartean egindako osoko bilkuran. Miguel Angel Paez Ogasun, Sustapen Ekonomiko eta Plan Estrategikoko ordezkariaren esanetan, hotel-kateentzat aukera ona da, ez delako erraza hiri batek “honelako lurzoru bat eskaintzea, hiri erdigunean, eta gune komertzialaren ondo-ondoan”. Hotela, gutxienez, lau izarretakoa izango litzateke, eta hori hirian dauden hiru izarretako beste establezimenduen konpetentzia ez izateko “nahitaezko” baldintza izan dela argitu du Paezek. Alderdi guztiek bat egin dute asmo hutsaz harago doan egitasmoarekin. Izan ere, badira hilabete batzuk udal gobernuak arloko enpresekin bilerak hasi zituela, eta egin diren bilera horietan jasotako informazioak bi gauzetarako balio izan du: batetik, baldintza pliegoa bera osatzeko, eta, beste aldetik, San Juan plazako hotela kudeatzeko interesatu bat baino gehiago dagoela jakiteko. Zortzi solairu guztira Asteazkeneko plenoan onartutako pliegoan adierazten denez, udalak lurraren jabetza mantenduko luke, eta gehienez, 60 urte arteko emakida bat izango litzateke. Guztira, “9.800 metro koadroko azalera erabilgarria” izango lituzkeela argitu du diru kontuen arduradunak, “behekoa eta lau solairu azal gainean, eta beste hiru solairu lur azpian”. Bederatzi eta [...]
Colon, Leon Iruretagoiena eta Foru kaleen artean dagoen lurzoruan eraikiko dute hotela
Irungo Udalbatzak San Juan plazan lau izarretako hotel bat eraikitzeko lehen harria jarri du. Izan ere, Colon pasealekua eta Foru eta Leon Iruretagoiena kaleen artean dagoen 1.500 metro koadroko lurzorua jarduera horretarako bideratzeko baldintzen pliegoa onartu zuten aho batez asteartean egindako osoko bilkuran.
Miguel Angel Paez Ogasun, Sustapen Ekonomiko eta Plan Estrategikoko ordezkariaren esanetan, hotel-kateentzat aukera ona da, ez delako erraza hiri batek “honelako lurzoru bat eskaintzea, hiri erdigunean, eta gune komertzialaren ondo-ondoan”. Hotela, gutxienez, lau izarretakoa izango litzateke, eta hori hirian dauden hiru izarretako beste establezimenduen konpetentzia ez izateko “nahitaezko” baldintza izan dela argitu du Paezek.
Alderdi guztiek bat egin dute asmo hutsaz harago doan egitasmoarekin. Izan ere, badira hilabete batzuk udal gobernuak arloko enpresekin bilerak hasi zituela, eta egin diren bilera horietan jasotako informazioak bi gauzetarako balio izan du: batetik, baldintza pliegoa bera osatzeko, eta, beste aldetik, San Juan plazako hotela kudeatzeko interesatu bat baino gehiago dagoela jakiteko.
Zortzi solairu guztira
Asteazkeneko plenoan onartutako pliegoan adierazten denez, udalak lurraren jabetza mantenduko luke, eta gehienez, 60 urte arteko emakida bat izango litzateke. Guztira, “9.800 metro koadroko azalera erabilgarria” izango lituzkeela argitu du diru kontuen arduradunak, “behekoa eta lau solairu azal gainean, eta beste hiru solairu lur azpian”. Bederatzi eta hamabi milioi euro arteko inbertsioa ekarriko du eta, kudeaketarako, 50 lanpostu beharko direla ziurtatu dute.
Auditorioa eta liburutegi berriaren ondoren, San Juan plaza berritua osatzeko azken elementua izango litzateke hotela. Paezek gehitu du “erreferentzizko eraikina” izango dela, eta hiriko ekonomia jarduera sustatzeko balioko duela ziurtatu du.
