Obenasaren porrotari esker mailari eutsi dio Hondarribia Irun nesken taldeak
Emakumeen Saskibaloi Ligako Lehen Mailari eutsi dio Hondarribia Irunek. Larunbatean jokatu zuen azken aurreko partida, eta Ibizaren aurka galdu bazuen ere (81-70), mailan jarraituko du, Nafarroako Obenasak ere galdu zuelako. Ibizako taldeak maila galdu...
Emakumeen Saskibaloi Ligako Lehen Mailari eutsi dio Hondarribia Irunek. Larunbatean jokatu zuen azken aurreko partida, eta Ibizaren aurka galdu bazuen ere (81-70), mailan jarraituko du, Nafarroako Obenasak ere galdu zuelako. Ibizako taldeak maila galduta zuen iragan astetik, beraz, Bigarren Mailan jokatuko dute datorren denboraldian Ibizak eta Obenasak. Iruñakoek 71-63 galdu zuten ligako azken aurreko partida, larunbatean, Gironaren aurka.
Hondarribia Irun, Obenasa eta Ibizaren artean aritu dira mailari eusteko borrokan. Ibiza aurreko jardunalditik mailaz jaitsita zegoen, eta Obenasak, larunbateko partida galduta, mailari eusteko aukerak agortu zituen. Hamaikagarrenez jokatuko dute berdeek. beraz, Europako saskibaloi liga indartsuenean.
Teledeporten zuzenean
Larunbatean ligako azken partida jokatuko du Hondarribia Irunek, etxean, 12:00etatik aurrera (Teledeporte kateak emango du). Mann Filter Zaragozaren bisita jasoko du.
