Urtzi Urkizu (Lezo, 1975) idazle eta kazetariak Kezka bat gutxiago 134 orrialdeko poema liburua aurkeztu du gaur goizean. Bere lanak bakarrik jasotzen dituen bigarren liburua du Urkizuk. Maiatz argitaletxearekin atera du liburua. “Plazer bat izan...
EAJko batzarkide taldearen bozeramaile Markel Olanok esan duenez, erakunde publikoak “aitzakiak” erabiltzen ari dira “biziberritzearekin duten ardura bere gain ez hartzeko”. Gaur egin dute agerraldia batzarkide taldearen bozeramaile Markel Olanok, Madrilgo Diputatuen Kongresuan Gipuzkoako diputatu Arantza Tapiak, jeltzaleen legebiltzarkide Maribel Vaquerok eta Pasaiako EAJren udal taldeko bozeramaile Nahikari Oterminek. Pasaiako biziberritzean eskumena duten erakundeei borondate falta leporatzeaz gain, hainbat proposamen plazaratu dituzte, beste behin ere kanpo kaiaren alde eginez. Olanoren arabera, badia osoko biziberritzeko portuaren jarduera kanpora eraman beharra dago. Hala ere, biziberritzeari kanpo kaia eraikitzen hasteko itxaron gabe ekin dakiokeela defendatu du jeltzaleak. EAJren arabera Espainiako gobernuak du ardura gehien Pasaiak pairatzen duen utzikeria egoera. “Espainiako gobernuak du ardura gehien eta, bitartean, Pasaiako herritarrak dira kaltetuak; alabaina, hainbat eraikin bota dituzte eta eremua degradatua dago; hots, hondakindegia dirudi, nahiz eta EAJren aldundiak behin behineko aparkalekua eta joko eremua proposatu zituen pasaitarrentzat”, esan dute Kaiko Herrerari erreferentzia eginez. Arantza Tapia, bestalde, 2011ko apirilaren 5ean sinatutako protokoloa betetzeko eskatu du Madrilgo Diputatuen Kongresuan. Tapiaren arabera, “protokoloa ez betetzea politika borondate falta da eta, horrek, birsorkuntza proiektua geldirik du. Tapiaren arabera, “kanpoko kaiaren proiektua aitzakiatzat dute bai batzuek bai besteek Pasaiako birsorkuntzarako garrantzitsuak diren hainbat erabaki ez hartzeko”. EAJk jakinarazi duenez, Madrilgo gobernuak [...]
Sailkapenean gora egiten jarraitzeko asmoarekin, Erregional Preferenteko Allerruk Astigarragako Mundarroaren zelaian jokatuko du bihar arratsaldean, 16:30etik aurrera. Lehengo asteburuan lortutako garaipenarekin zazpigarren postura igo ziren (33 puntu dituzte), eta bolada onarekin jarraitu nahi dute. Emakumeen Igoera Faseko ligaxkan, goiko aldeko taldeen arteko norgehiagoka jokatuko dute bihar Beasainen. Allerru hirugarren da, eta bere gainetik daude beasaindarrak. Partida 18:45ean hasiko da. Bestalde, Allerru Bk ere bihar du jardunaldiari dagokion norgehiagoka. Zarautzen bisita izango du Plazetan 17:00etatik aurrera. Ligaxkako hirugarren garaipena eskuratuko luke irabaziz gero. Saskibaloikoak, gaur Allerru saskibaloi taldeak gaur arratsaldean Bekoerrotan jokatuko du. Santo Tomas Lizeoa izango da arerioa, 20:00etatik aurrera. Allerru-Jaizkibelek Hondarribin jokatuko du Bar Ignacioren kontra. Bihar izango da partida, 15:00etatik aurrera.
Gaur arratsaldean, 17:30 aldera, etorri da Joseba Agudo oreretarra herrira. Hamarnaka herritarrek egin diote ongi etorria Herriko Plazan, eta horien artean gurasoek: autotik atera bezain laster, amak besarkatu du, eta ondoren, aita eta bikote...
Etzi, mutxiko saioa egingo dute Doneztebe plazan, Helduen Tailerretako dantza taldeek antolatuta. Eta Soinuenea Fundazioak (Herri Musikaren Txokoak), hamargarren urteurrena ospatzeko ekitaldien barruan, bat egin du saio horrekin, eta beste hainbat ekim...
Etzi 3.000 calçot banatuko dituzte Errenterian, 500 razio guztira, maria de Lezo kalean, Magdalena ermita eta Bodega Txikote tabernaren parean egingo duten elkartasun calçotadaren barruan. Bertan jasotako dirua Wukronen (Etiopia iparraldea) Etiopia Utopia Fundazioak abian duen Irribarreak Proiektura bideratuko dute. Egitasmo horren bidez, hortz klinika eraiki dute Wukronen eta “orain hortz klinikarako langileen formazioa egitea eta beharrezkoa den materiala biltzea da helburua”, zehaztu du Etiopia Utopia Fundazioko presidente Imanol Apalategik. Pello Ruiz Cabestani fundazioko kidea arduratuko da calçotak egiteaz etziko elkartasun ekimenean. Bertara biltzen diren herritarrak, berriz, bost euroren truke seina calçot dastatzeko aukera izango dute. Jatekoaz aparte, besteak beste, kamisetak, amantalak, koadernoak, sudaderak, eta katiluak erosteko aukera izango dute bertaratzen diren herritarrek eta bide batez, garatze bidean aurrera egiten lagunduko diote Etiopia iparraldeko Wukron herriari.
Joan den asteburuan (hilaren 17an eta 18an) Arritxulora joan ziren Oiartzungo Kuadrillategiko kideak. Gazte dezente animatu ziren irteerara: guztira 67 pertsona joan ziren. Eta ederki pasatu zuten. Larunbatean, Bianditzera joan ziren egun pasa. Arrats...
Auzitegi Gorenak asteazkenean aztertuko du Sonia Jacinto oreretarraren, Otegiren, Diezen, Rodriguezen eta Zabaletaren kartzela zigorren kontra defentsak jarritako helegitea. Bateragune auziaren absoluzioa eskatzeko, agerraldi bat egingo dute hainbat la...
Bihar, larunbata, goizeko zortzietan Endarlatsako zubi berria itxiko dute, Irungo norabidean, eta itxita iraungo du asteleheneko 07:00ak arte. Zabalkuntza junturak aldatu behar dituztelako itxiko dute azpiegitura, eta ibilgailuek Bidasoa gaineko zubi z...
Bihar egingo dute Irunen Haur bat, zuhaitz bat egitasmoaren bederatzigarren ekitaldia. Udalak antolatutako ekimena da, eta aurreko urtean Irunen jaiotako edo erroldatutako haur bakoitzeko zuhaitz bat aldatzea du helburu. Aurten 430 zuhaitz landatuko dituzte, aurreneko aldiz Erlaitz inguruan. Miguel Angel Paez Ingurumen ordezkariak asteazkeneko aurkezpenean azaldu zuenez, jaiotako haurrengatik poza agertzea eta hiriko ingurumenaren alde egitea, bi helburu horiek uztartzen ditu Haur bat, zuhaitz bat ekimenak: “Ekimen hau 2004an abiatu zen, eta xede bikoitzarekin abiatu ere; horrelako baso-berritzearen bitartez, haur jaio-berrien testigantza utzi nahi dugu, eta, gainera, gure ingurunea zaintzeak duen garrantzia gogoratu”. Aurten, 430 eskaera jaso dituzte Ingurumen arloan; egitasmoa abiatu zutenetik zenbaki altuena da. Hori dela eta, ekitaldia txandaka egingo dute, hiru saioetan: 09:15ean, 10:45ean, eta 12:15ean. Txanda bakoitzean autobus zerbitzua jarriko dute, joateko eta bueltarako. Hilerriko aparkalekutik abiatuko dira autobusak, eta hara itzuliko dira. Maraguriko maldan Orain arteko zortzi ekitaldietan 2.776 zuhaitz landatu dituzte, denak San Martzial mendian. Aurten Erlaitz inguruan egingo dute, lehen aldiz, Maraguriko Malda izeneko eremuan, hain zuzen ere. Aurreko lekuaren antzerako ezaugarriak dituela argitu zuen Paezek: “Iristeko bidea, azalera erabilgarria, bertan ibiltzeko erosotasuna eta errepidetik duen hurbiltasunari dagokionez oso antzerakoak dira”. Dagoeneko gurasoekin harremanetan jarri da udala, ekitaldiaren nondik norakoak azaltzeko. Autobusetik jaitsi [...]
KZgunean honako ikastaroak izango dira datorren astean (hilaren 26tik 30era): Software libreari buruzko zalantza sesioa: astelehenean, 16:00etatik 18:00etara. Google maps: asteartean, 16:00etatik 18:00etara. Google itzultzailea: asteazkenean, 16:00eta...
Portuko ondoko enpresak batu dira: Portu Agintaritza SAGEP Pasaia Sobrinos de Camara Algeposa Nerki UECC Tage Ortagui garraioak Pasaiako Garraioen Kooperatiba Praktikoen Korporazioa Pasaiako atoiontziak Gela Fabrika Portuko sindikatuen komunikatu bateratua
Oreretako Gazte Asanbladak trinkete txapelketa prestatu du gaurko. Parte hartu nahi duenak Gaztetxetik pasatu beharko du izena ematera, 17:00etan. Gazte guztiak animatu dituzte esku pilotan aritzera.
Javier Jacinto musikagile pasaitarraren La soledad de nuestra señora lana estreinatuko dute gaur Madrilen, hango Arte Sakroko XXII. Jaialdiaren barruan. Bi soprano, biola, gitarra eta bibrafonoarentzat idatzitako lana da, eta Lope de Vegak Aste Santua...
Gaia jorratzeko hirigintza batzordea egin dadila eskatu dute, eta publiko egin dute beren proposamenak zein diren. EAJren arabera ondoko proiektuak atxiki daitezke Jaurlaritzaren Itsaspen programan: Donibaneko Gizarte, Kultura eta Kirol eraikinaren big...
Martxoaren 29ko greba orokorraren deialdiarekin bat egin dute atez ateko hondakinak biltzen dituzten langileek eta ondorioz, udalak jakinarazi nahi du martxoaren 28tik 29rako gauean ez dutela hondakin organikorik bilduko. Beraz, asteazkenean ez dira at...
Gaur gauen ezezagunek Antxoko gaztetxean lapurtu dute. Gazte asanbladako kideek salatu dutenez, ordenagailua eta musika ekipoa lapurtu dituzte. 20:30erako asanblada irekia deitu dute gazteek.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
