Bi hitzaldi eta erakusketa, Nafarroako konkistaren harira
Nafarroako konkistaren harira, bi hitzaldi emango dituzte eta erakusketa irekiko dute Zuloaga Etxean. Las mentiras del conquistador y sus absurdas justificaciones hitzaldia Tomas Urzainki Minak emango du hilaren 17an, arratsaldeko zazpi terdietan Zulo...
Nafarroako konkistaren harira, bi hitzaldi emango dituzte eta erakusketa irekiko dute Zuloaga Etxean. Las mentiras del conquistador y sus absurdas justificaciones hitzaldia Tomas Urzainki Minak emango du hilaren 17an, arratsaldeko zazpi terdietan Zuloaga Etxean. «Garaiko egoera kontuan izanik, ideiak aztertzen eta azaltzen saiatuko naiz», azaldu du abokatu nafarrak.
Bigarren hitzaldia Idoia Arrieta Elizalderena izango da, hilaren 24an, ordu eta leku berean, eta 1.200, Gipuzkoaren konkistan, gaia landuko du. «800 urte luze hauetan bizirik egon da Gipuzkoaren konkistari buruzko eztabaida, eta egintza hori gutxienez bitxia, harrigarria, gertatuko zaio behatu nahi duenari», azaldu du historialariak.
Erakusketa, Zuloagan
Zergatik diote anexio, konkista esan nahi dutenean? izenburupean, Cesar Orozen pintura erakusketa astelehenean irekiko dute Hondarribiko Kale Nagusiko Zuloaga Etxean, eta hilaren 27ra arte izango da irekita. Erakusketa ondorengo ordutegian zabalduko dute: astelehenetik ostiralera 10:00etatik 13:30era eta 16:00etatik 20:00etara eta, larunbatetan, aldiz, 10:00etatik 14:00etara eta 18:00etatik 20:00etara. Igandetan ere zabalduko dute erakusketa aretoa, 11:00etatik 14:00etara.
