Liburu elektronikoak eta tablet-ak utziko dituzte liburutegian
Herenegun jarri zuten abian liburutegian zerbitzu berria: lau liburu elektroniko eta bi tablet hartzeko aukera dute erabiltzaileek. «Beldur gehien duten erabiltzaileei eskaini nahi diegu teknologia berrien zerbitzu hau», azaldu du Kotte Guevara libur...
Herenegun jarri zuten abian liburutegian zerbitzu berria: lau liburu elektroniko eta bi tablet hartzeko aukera dute erabiltzaileek. «Beldur gehien duten erabiltzaileei eskaini nahi diegu teknologia berrien zerbitzu hau», azaldu du Kotte Guevara liburutegiko arduradunak.
Zerbitzua, azken hilabeteetan gailu horien gaineko informazio eskaeren ondorioz martxan jartzea erabaki dute, «teknologia berriek eskaintzen dituzten abantailak probatzeko», esan du Guevarak.
Liburu elektronikoa, bi astez
Euskarazko, gaztelaniazko eta bestelako hizkuntzatan argitaratutako liburuak irakur daitezke euskarri elektroniko horietan, eta berritasunak gehitzen joango dira. Liburu elektronikoak hemezortzi urtetik gorakoek har ditzakete, hamabost egunez, eta tablet-ak liburutegian erabiltzeko dira, bi orduz gehienez. «Liburuekin egiten dugun bezala, gailuak galdu eta hausten badira, erabiltzaileak bere gain hartuko du hori», zehaztu du Guevarak.
