
Atzo ireki zuten ofizialki Itsas Etxeko Osasun Zentro berria. Hala, Biteri kaleko anbulategi probisionala itxi egin dute eta Osasun Zentrora hurbildu behar duten herritarrek, Itsas Etxera joan beharko dute. Osasun Zentroaren azalera 1.328 metro karratukoa da eta beheko solairuan bezeroaren arreta zerbitzua, proba osagarrien aretoa eta sendaketa aretoak jarri dituzte. Patxi Lopez, lehendakaria, Rafael Bengoa, Osasun sailburua eta Aitor Kerejeta, ikus daitezke inaugurazio ekitaldian.

Athletic eta Bartzelonaren arteko Errege Kopako finala ikusteko pantaila jarriko dute Banakon. Final handia etzi gaueko hamarretatik jokatuko dute Madrilen. Hala, hamarretatik aurrera emango dute partida zuzenean.

Arditurri Meatze Gunean, jolasak, ibilbideak eta ikus-entzunezkoak izango dira Igandean Aiako Harria Parke Naturalaren eguna ospatuko dute Arditurrin. Hala, Arditurri Meatze Gunera gerturatzen den orok 10:00etan hasi eta 13:30ak arte meazuloa prezio er...

Serviociok antolatuta, Jaizkibelera ibilaldia egingo dute etzi. Antolakuntzaren arabera, ibilbideak 18 kilometro ditu, eta Fanderiako igerilekutik atera eta Jaizkibelen labarretan barrena ibiliko dira. Lau ordu eta erdi inguru iraungo du. Parte hartzek...

Olazabal parkea berritzeko lanak martxan jarriko dituzte datozen astetan. Enpresa eraikitzaileari proiektua esleitzeko arazo baten ondorioz atzerapena izan da, eta orubearen indusketa arkeologikoa egingo dute Miren Ayerbe Udal arkeologoaren zuzendaritz...

Madalenetako Jai Batzordea ostiralean bilduko da azken aldiz. Bilera hori, 17:30ean izango da, Xenpelar Etxean. Bertan honako gaiak landuko dituzte, besteak beste: Madalenetarako udalak kudeatzen duen diruaren erabilera, kaleen dekorazioa, uztailaren 2...

Edalontziak eta pintxoak lau euroko prezioa izango dute; Kataxulon kontzertuak izango dira gauean 2012ko Udaberri Jaia edo, bestela esanda, XXIII. Sagardo Eguna antolatu dute AEK euskaltegiak eta herriko elkarteetako zenbait lagunek etzirako. Ttur-ttur Euskaltzaleon Bilguneak egingo du lehenengo txotxa. Sagardo ugari dastatzeko aukera izango da, 17:55etik aurrera, baina aurretik ere izango dira beste ekimen batzuk. 16:30ean, Oiartzungo II. Grafiti Topaketa egingo dute gazteek, Elorsoro kiroldegiko atzeko aparkalekuan, eta mural bat osatuko dute. 17:30etik aurrera, berriz, haurrentzako tailerrak, puzgarriak eta txokolate jatea izango dira Euskal Herria plazan. Sagardo jaia, txintxo 17:55ean, txalapartariek jaiaren hasiera iragarriko dute, eta lehen txotxa egingo du Ttur-tturrek, aurten betetzen duen hamargarren urteurrenaren harira. Oiartzun Irratiak, bestalde, irratsaioa egingo du zuzenean, plazatik bertatik. Hainbat sagardo dastatzeko aukera izango da Doneztebe plazan eta San Juan kalean. Aurten, edalontziak eta pintxoak lau euroko prezioa izango dute. Oiartzuarrei zein kanpotarrei, Sagardo Egunera hurbiltzeko deia egin diete antolatzaileek, «festa giro paregabea egongo baita». Hala ere, arduraz jokatzeko deia egin dute. Eta hori gogorarazteko, Ei txo, in txotx biño txintxo kanpainako zapiak ere banatuko dituzte. Izan ere, Oiartzungo Udalak zein antolatzaileek, «adin txikikoak alkoholaren kontsumo arduratsuan hezteko konpromisoa» hartu zuten duela urte batzuk. Afaria eta kontzertuak Sagardo dastaketaren ondoren, lanean aritu direnek [...]