
Kultura eta Hezkuntza departamentuko kide Gurutze Urresti zendu dela eta, gaurko udalbatzarra bertan behera gelditu da. 19:30ean egitekoa zen, Antxoko kultur etxean. Deialdi berria egin du udalak, ekainaren 12rako, toki eta ordu berean.

Larunbatean, Euskal Herriko Emakumeen Futbol Kopako lehen partida Donibane Garazin jokatu zuten Oiartzungo neskek. Eta jaun eta jabe izan ziren: 15-0 irabazi zioten Garazi, Donapaleu eta Mauleko neskez osaturik zegoen Garazi taldeari. Lehen partida irabazita, Oiartzunek hurrengo fasera sailkatzeko txartela lortu du.

Erregional Ohorezko Mailako Hondarribiko futbol taldeak mailan jarraitzeko helburua bete zuen larunbatean. Hutsean bukatu zuten Tolosaren aurka, eta puntu bakarra poltsikoan, salbazioa eskuratu zuten berdeek. Gutxitan ikusi da Ondartza futbol zelaia larunbatean bezain beteta, Hondarribiko zale asko hurbildu ziren eta gogotsu animatu zituzten euren mutilak. Denboraldi gogorra izan den arren, pozik bukatu dute Mikel Llorenteren mutilek.

Trintxerpeko Arraun Klubak bere sorreraren 25. urteurrena ospatzen ari da aurten. Lehengo ostiralean, ekainerako antolatu dituzten jarduerak aurkeztu zituzten Trintxerpeko alkateordetzan. Itsaso Andueza eta Toño Vazquez lehendakariak aurkeztu zuten ospakizunen egitaraua. Horrez gain, arraun klubaren 25 urteko historian lan egin duten guztientzat esker oneko hitzak izan zituzten, baita orain arteko lehendakari guztientzat, zein klubaren 25 urteurrena ospatzeko eratu duten batzordean lanean ari direnentzat. Artisautza Feria eta Sagardo jaia Ekaineko ospakizunak ekainaren 11tik 16ra bitartean izango dira. Gudarien Enparantzan karpa bat jarriko dute, eta han, itsasoarekin lotutako tailerrak egingo dituzte, besteak beste, korapiloak, estropuak eta beste egiten erakusteko. Horrez gain, ontziak kalera atera eta ikusgai jarriko dituzte aipatu karpan, nahi duen orok traineruak bertatik bertara ikusteko aukera izan dezan. Ospakizunak ekainaren 16rako ospatu duten artisautza feriarekin bukatuko dira. Egun berean sagardo jaia egingo dute baita ere. Urrian beste astebeteko egitaraua antolatzen dihardutela aurreratu zuten. Urrian klubaren historia gainbegiratzeko argazki erakusketa egingo dute. Hitzaldia eta herri afaria ere izango direla iragarri zuten. Ospakizunak bitartean herritarrek elastikoa, txapak eta klubaren lotutako bestelako materiala erosteko aukera izango dutela esan zuten, horiek erosiz, kluba diruz laguntzeko.

Proisako eraikina defendatzeko asanblada deitu dute San Pedron. Asanblada bihar da (hilak 29), 20:00etan, Proisan bertan.

Antxoko Alkartasuna Euskal Dantza Taldearen Hamabostaldi Kulturala hasi da. Larunbat gauean talde nagusikoek aurkezpena egin zuten, eta atzo, berriz, txikien taldeak dantza ikuskizuna egin zuen Gure Zumardian. Bertakoak dira ondoko irudiak eta bideoa.

Frantziako Poliziak Oroitz Gurrutxaga Gogorza (Errenteria-Orereta, 1981) eta Xabier Aranburu Sagarminaga (Ondarroa, 1979) ustezko etakideak atxilotu dituela jakinarazi du. Atzo izan ziren atxilokerak, Caunan (Akitania), 15:00ak aldera, biak auto ba...

Mendekosteen azken egunean goizean herri kirolak izan dira nagusi. Arratsaldean, Altxorraren bila jolasean arituko dira haur, gazte eta helduak Gurutze Santuaren plazatik abiatuta. Gero, eskualdeko buruhandi eta erraldoien topaketaren kalejira izango d...

XXIII. Sagardo Eguna ospatzen ari dira Oiartzunen 17:55az geroztik, AEK-k antolatuta. Ttur-tturrek egin du lehen txotxa, elkartearen hamargarren urteurrena delako. Oiartzungo Aristizabal, Baleio eta Ordoxelai sagardotegietako zukua eskaintzen ari dira,...

Sagardo Jaia hasi da Lezon, eta lepo dago herriko plaza.

Gipuzkoako areto futbolean, Lehen Mailan, Euskal Ligarako igoera jokoan zuten Oiartzunek eta Horbel tabernak larunbatean. Azkenean, Horbel taberna gailendu zen 2-3, eta Gipuzkoako kopa irabazi zuen. Oiartzuarren golak Gorka Etxeberria eta Unai Esnalek...

Joan eta itzuliko kanporaketa jokatuko du Pasaiak. 4-0 irabazi zion lehengo larunbatean Rotetari, eta honenbestez, sailkapeneko bigarren postuari eusten diote zuri gorriek. Hurrengo asteburuan kanporaketa jokatuko dute Bizkaiko eta Arabako bigarren tal...

Hondarribia Dantzan ekimena ospatu dute asteburuan, Kemen Dantza Taldearen eskutik. Larrain dantza zaleek ikastaroa egin zuten Jostaldin eta larunbatean egin zuten erromerian, bertan ikasitakoak praktikan jarri zituzten (irudian). Larunbatean egin zituzten ekintza gehienak eta Deba, Oñati, Baztan, Berastegi, Irun eta Hondarribiko dantzarien emanaldiak izan ziren.

Madalenetako Jai Batzordeak azken bilera izan zuzen ostiralean, eta bertan hainbat erabaki hartu zituzten festetarako. Horien artean, txupinazoa zuzenean ematea etxe guztietarako, eta Zumardian pantaila erraldoia jartzea hura jarraitzeko. Egun horretan herri bazkaria prestatu nahi dute Kabia Espazio Kreaktiboan, eta ondoren, herriko talde guztiak elkarrekin joatea txupinazora. Duela hiru urte kendu zuten soka muturra ere bueltatuko da, eta uztailaren 23an eta 24an egingo dute. Horrez gain, haurrentzako gune bat jarriko dute, su artifizialak botako dituzte, “musika kontzertu entzutetsua” eta muxikoak antolatu, eta Musika Plazan hip-hop dantzarako gune bat jarriko dute. Herrian giroa sortzeko kaleko dekorazioan inbertituko dute, eta fanfarreak eta txarangak prestatu (hamabi, guztira). Era berean, kale animazioa eta berbenak bultzatuko dituzte. 192.200 euroko aurrekontua Aurtengo madalenek 192.200 euroko aurrekontua izango dute. Jai Batzordeak antolatutako ekimenentzat 53.200 euro bideratuko dira, gainontzeko “ezinbesteko” gastuentzat 96.00 euro. Horri elkarteek jasotzen duten laguntza batu behar zaio 43.000 euro.

Pasai Antxon, 1957. urtean jaiotakoentzako bazkaria antolatu dute ekainaren 16rako. Bazkaria Armonia elkartean egingo da, eta bazkaria bertako bazkide Carlos Martin Karloti-k prestatuko du. Bazkaria 14:30ean hasiko da, baina aurretik bilduko dira Azoka...

Zokoburuko Mendi Zolan kulturguneak azken urteetan Nekatoenean egonaldi artistikoak burutu dituzten Philippe Herbet argazkilariaren eta Pascal Mirande pintorearen erakusketak zabalduko ditu bihar, hilaren 29an (asteartearekin). Herbetek Joan etorri goiburuarekin bildu ditu bere lanak, eta Mirandek Leviathan izenburua jarri dio erakusketari. Ia hilabetez izanen da bi artisten sorkuntzak ezagutzeko aukera, ekainaren 22ra bitarte, asteartetik larunbatera 10:00etatik 13:00etara eta 15:00etatik 19:00etara. Gainera, bi artistekin solasteko aukera izanen da datozen egunotan: ekainaren 1ean Herbetekin, eta ekainaren 5ean Miranderekin. Bi egonaldiak 18:00etatik aurrera izanen dira, Zokoburuko galerian. Bi artista bidaiari Philippe Herbet argazkilaria Istanbulen (Turkia) jaio zen, baina Liejan (Valonia) bizi da. 2009 urtean artista egonaldia egin zuen Nekatoenean eta, horren ondotik, Abbadia eremuan egindako lanetako batzuk Angeluko Beatrix Enean erakutsi zituen lehen aldiz, eta liburu bat argitaratu zuen, Joan etorri tituluarekin, Mendi Zolanen aurkeztuko duen erakusketaren izenburu berarekin, alegia. Pascal Mirande, bere aldetik, Seine Maritimen (Normandia) eskualdean jaio zen, baina La Rochellen (Frantzia) bizi izan da, eta azken urteotan Rennesen (Bretainia) bizi da, bertan lan egiten duelarik. Artista autodidakta da, berdin-berdin aritzen dena argazkilaritzan zein margogintzan. Bere lanek mundu imaginarioetara bidaiatzeko aukera ematen dute.

Etzi, hilaren 30ean (asteazkena), Itsas etorbidearen antolamendu berriari buruzko bilkura publikoa deitu du Herriko Etxeak. Zokoburuko Antoine Abbadia aretoan iraganen da, 19:00etan hasita, eta sartzea libre izanen da interesaturik dauden herritar oror...

Heldu den ostegunean Henry Bengoa Inventarium emanaldi poetiko-musikala taularatuko dute Varietes gelan, herriko Mugati euskaltzaleen elkartearen eskutik. Momentuz Hendaian soilik plazaratuko dute duela 25 urte herriz herri eramandako ikuskizuna; gainera, lehen aldia izanen da Henry Bengoaren istorioa Ipar Euskal Herrian entzuteko aukera izanen dutela. Varietesen 300 lagunentzako toki mugatua denez, lehenbailen sarrerak erreserbatzeko gomendatu dute antolatzaileek. Tiket bakoitzaren prezioa 12 euroan jarri dute. Mugati elkarteak antolatu du Henry Bengoa Inventarium poesia emanaldia. Mugatiko kideek beraiek jo zuten Bernardo Atxagarengana proposamenarekin. Hendaian bizi diren zenbait euskaltzalek iaz sortutako elkartea da Mugati, euskara erabiltzeko eta sustatzeko ekimenak antolatzeko xedea duena. Henry Bengoa Inventarium emanaldiko aurkezpenean Mugatiko zenbait kide izan ziren: Idurre Eskisabel eta Hasier Etxeberria kazetariak, Lander Garro idazlea eta Bakartxo Arrizabalaga Euskal Itzultzaile, Zuzentzaile eta Interpreteen Elkarteko (EIZIE) presidentea. 1986an abiatu zuten Henry Bengoa Inventarium ikuskizuna. Elkarlanean prestaturiko emanaldia zen, Bernardo Atxaga eta Joxemari Iturralde idazleen testuen errezitaldia, Ruper Ordorika eta Alberto eta Nando de la Casa anaiek sortutako musikaz osatzen zen. Garaian berritzaile izan zen eta bi urtez bidaiatu zuen antzokiz antzoki. Hasier Etxeberriaren ustez, proposamen aitzindaria izan zen: “Lehen aldietakoa izan zen olerkia modu horretan oholtza gainera eramaten zela. Bidea ireki zien ondotik etorri diren ugariri. Gainera, ez zen [...]

Harrera ona izan du talo eta ardo egunak. Eguerdian jende asko bildu da Esmalterian, taloak jatera, ardoak lagunduta. Arratsaldean ere animatu da jendea, eta 19:00az geroztik Modesto ari da plaza girotzen.

Primeran ari dira pasatzen San Pedron bildu diren haurrak. Herriko elkarteek hamaika jarduera prestatu dituzte haur eta gazteentzat, eta eguraldia lagun primeran pasatzen ari dira tailer eta jolastean.