Oiartzungo kenpo borrokalariek hemezortzi domina lortu dituzte
Euskadiko Kenpo Txapelketaren ere bai arrakasta lortu dute Oiartzungo klubekoek. Arrasateko Musakola kiroldegian lortu dituzte.
Gipuzkoako kenpo txapelketan lortutako arrakastaren ondoren, Oiartzungo Kenpo Kai elkartekoek Euskadikoan zakua dominez bete zuten. Pasa den igandean jokatu zuten txapelketa hori, Arrasateko Musakola kiroldegian. Lau modalitateetan lehiatu ziren: kata, kobudo (kata armarekin), goshin (defentsa pertsonaleko teknikak) eta kumite (borroka).
Elkarteko zazpi kirolarik hartu zuten parte, eta guztien artean hemezortzi domina lortu zituzten. Horrela banatu zituzten metalak:
-
Ekain Sagarna: Zilarrezkoa, kumiten.
-
Mikel Osa: Zilarrezkoa Kobudon; brontzezkoak kata eta kumiten.
-
Ibon Arrieta: Zilarrezkoa katan eta brontzezkoa kobudon.
-
Elena Pais: Zilarrezkoa kobudo eta kumiten.
-
Alan Leon: Urrezkoa kata, kobudo eta kumiten.
-
Aritz Valderrama: Urrezkoa oshin eta kobudon; zilarrezkoa kata eta kumiten.
-
Lander Hernandez: Urrezkoa kumiten; zilarrezkoa goshin eta kobudon.
Kenpo Kai elkarteko arduradunek azaldu dutenez, kirolak etorkizun oparoa du Oiartzunen. Egindako lanarekin “oso harro” daudela ziurtatu dute. “Modu ezin hobean bukatu da denboraldia, orain udaraz gozatzera eta ea zer ekartzen diguten datorren denboraldian”, zehaztu dute.
