OTXEkoak bikain aritu dira Oianguko mendi bizikleta sarian
Taldeko hiru txirrindularik Gipuzkoako Txapelketa irabazi dute. Gainera, Opena irabaztea lortu dute.
Pasa den larunbatean, Oianguko mendi bizikleta saria jokatu zuten Ordizian. Euskadiko Openeko azken proba izateaz gain, Gipuzkoako txapelketa ere bertan erabaki zen.
OTXEren mendi bizikleta taldeko (Urkia Prefabrikatuak–Amets Tailerra) txirrindulariek emaitza ezinhobeak izan zituzten. Openeko azken proban asko zegoen jokoan. Ez zuten hutsik egin —bakoitzak bere mailan— Gexan Albisu oiartzuarrak, Nahia Polo errenteriarrak eta Urko Munduate lezoarrak.
Gipuzkoako Txapelketa
Opena ez zen erabaki zen bakarra izan. Gipuzkoako Txapelketa ere larunbatean erabaki zen. Beste hiru txapela lortu zituzten: Nahia Polo, nesken Gazte Mailan; Eneko Balda (Lezo), mutilen Kadete Mailan; eta Gexan Albisu, Junior mailan.
Ez ziren lorpen bakarrak izan: eliteetan, talde onena izan zen Urkia Prefabrikatuak–Amets Tailerra, eta junior mailan, Xabier Txintxurreta sanpedrotarrak bigarren mailan bigarren postua lortu zuen.
Hurrengo lasterketa Zangozan izango dute txirrindulariek, eta Nafarroako Koparako baliagarria izango da proba.