Ondarearen Mahaiak orain arte egindakoa errepasatuko du

Datorren ostegunean bilduko da, orain arteko jardueraren balorazioa egiteko: erroten bisita, Arizmendi-Enea, webgunea...

ondarearen mahaia bilera

Udalean bilduko dira Ondarearen Mahaiko eragile eta norbanakoak. [Argazkia: Oiartzungo Udala].

Oiartzungo Ondarearen Mahaia datorren ostegunean, hilak 7, elkartuko da. Bilera 18:00etan izango da, udaletxean.

Balorazio bilera bat izango da, baina aurrera begira dituzten proiektuei begirik kendu gabe.

Honakoak izango dira landuko dituzten gaiak: Ondarearen Mahaia identifikatzeko logoa; urrian Europako Jardunaldien baitan herriko errotak ardatz zituen antolatutako jardueren balorazioa; Oiartzungo ondarea elkartuko duen webgunea sortzeko egitasmoaren garapena; Arizmendi-eneko lanen jarraipena (Oiartzungo ondarearen etxea izango da zaharberritzen ari diren eraikina); San Juan kaperako ondarea; eta Iñaki Arbelaitz zenak etxean gordeta daukan materiala aztertzeko eta antolatzeko lanen bilakaera.

Iaz sortua

Oiartzungo Ondare Mahaia iazko udaberrian sortu zuten, herritar askok egindako eskaerari jarraituz. Oiartzungo Herri Artxiboaren proiektuari lotuta dago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.