Aurten kultur ekitaldiak antolatzeko diru laguntzak eska ditzakete eragileek
Kultur ekitaldiak antolatu nahi dituzten elkarte edo norbanakoek hilabete osoa izango dute Oiartzungo Udalari diru laguntzak eskatzeko.
2020an egingo den edozein ekitaldiren antolatzaileek urtarrilean eskatu beharko dute laguntza.
2020 urte honetan kultur ekitaldiak antolatu nahi dituzten elkarte edo norbanakoek diru laguntzak eska ditzakete urtarrilean zehar. Gaur zabaldu dute epea, eta hileko azkeneko egunera arte egin daiteke eskaera.
Informazio guztia Oiartzungo Udalaren webgunean aurki daiteke, iragarki taulan. Bertan ematen ditu eskaera egiteko jarraibideak, baita online egiteko aukera ere. Udaletxeko harreratik pasa daiteke bestela.
Oiartzungo Udalak 43.250 euro banatuko ditu eskatzaileen artean.
