Oiartzun Kirol Elkarteko klubek modu traketsean hasi dute urtea
Oiartzungo hiru taldek jokatu dute asteburuan, eta denek galdu dute. Hori bai, kontsolatze aldera, porrot guztiak etxetik kanpo izan ziren.
Oiartzuarrak, Mutrikuko San Migel zelaian [Argazkia: leartigol.com]. Pasa den asteburuan Oiartzun Kirol Elkartearen hiru taldek jokatu dute. Eta eskerrak gehiago ez diren izan, zeren hirurek galdu baitzituzten beren partidak.
Jokatu zuen futbol talde nagusi bakarra mutilena izan zen. Mutrikuren kontra aritu ziren igande arratsaldean, eta hogeigarren minuturako bi gol jasota zituzten. Panorama horrekin zaila da emaitzari buelta ematea, baina oiartzuarrak saiatu ziren: atsedenaldia iritsi baino lehen txikitu zuten aldea.
Oiartzurren erreakzioak, baina, ez zuen bigarren zatian jarraitu, eta mutrikuarrek aldea handitu zuten. Leartigolek bere webgunera igo du partidaren laburpena.
Asteburuan jokatu ez, baina jardunaldiari zegokion beste partida bat jokatu zuen mutilen bigarren taldeak. Santo Tomas Lez. Honakoak izan ziren asteburuko emaitzak:
Gizonen Erregional Ohorezko Maila
- Mutriku – Oiartzun: 3-1.
Emakumeen Euskal Liga
- Elorrio — Oiartzun Intxaurdi: 2-1.
Gizonen Erregional Preferentea
- Santo Tomas Lizeoa — Oiartzun: 6-1
Emakumeen Gorengo Maila
- Hondarribia — Oiartzun: 4-1.
