Urtarrila, kulturan bero Lezon
Asteburu honetan bertan haurrentzako emanaldia eta dantza saioa izango dira Gezala Auditoriumean.
Igandean 'Gorpuztu' dantza obra ikusi ahal izango da Gezalan. Lezoko Udalak kultur programazio oparoa prestatu du urteko lehen hilabeteetarako. Denetik dago: dantza, antzerkia, ikus-entzunezkoak, haurrentzako ekitaldiak… eta martxoan Lesoinu dator (aurrerago emango du HITZAk Lesoinuren berri).
Urtarrilean badira kultur ekitaldiak. Honako zerrendakoak dira. Asteburu honetan ere badira saioak.
- Hilak 10 (ostiralean). 17:15ean, Gezala Auditoriumean, Andaluziako La Sombrita konpainiaren Ahatetxo itsusia itzal-antzerkia. 2 euro.
- Hilak 12 (igandean). 20:00etan, Gezala Auditoriumean, Doos Colectivo taldearen Gorpuztu dantza emanaldia. 8 euro.
- Hilak 18. 17:00etan, Gezala Auditoriumean, Lezoko Zinema Ttikiaren haurrentzako emanaldia: Pirata arratoia.
- Hilak 18. 19:30ean, Gezala Auditoriumean, Lezoko Zinema Ttikiaren familientzako emanaldia: Agur Etxebeste!
- Hilak 24. 17:15ean, Gezala Auditoriumean, Eidabe Ekimen Kulturalak taldearen eskutik Mari eta gaileta fabrika antzerkia haurrentzat. 2 euro.
- Hilak 26. 20:00etan, Gezala Auditoriumean, Frantziako Dondavel konpainiaren Le fumiste dantza obra. 8 euro.
- Hilak 28. 18:15ean, Andreone Udal Liburutegian, gaztelaniazko literatura taldearen bilkura Sayaka Murataren La dependienta liburuaz hitz egiteko.
Ekaina arteko kultur ikuskizun guztiak ezagutu nahi badituzu, jaitsi ondoko PDF artxiboa: Lezoko Kultur Egitaraua (2020ko urtarrila-ekaina, PDF artxiboa).
Erlazionatutako edukiaPiztu Lezorekin, zinemara
