Urmendi haur eskolak aurrematrikulazio epea irekiko du hilaren 27an
2018an jaio ziren haurren gurasoek bilera izango dute hilaren 22an. 2019an eta 2020an jaio(ko) direnenen gurasoek aurrerago izango dute bilera.
2018, 2019 eta 2020 urteetan jaiotako haurrak joango dira haur eskolara. Urmendi haur eskolak 2020/2021 ikasturterako aurrematrikulazio epea zabalduko du hilaren 27an, apirilaren 30era arte. Hala jakinarazi du Oiartzungo Udalak.
Datorren ikasturtean bi urteko ikasgeletan —2018an jaiotako haurrek osatuko dutena— matrikulatu nahi dituzten gurasoentzako bilera informatiboa egingo dute hilaren 22an (asteazkenarekin).
Bilera horretan Urmendiren proiektu pedagogikoa eta zerbitzua aurkeztuko dituzte, eta gurasoek eduki ditzaketen zalantzak argituko dituzte. Bilera hori Urmendiren egoitzan bertan egingo dute, 17:00etan hasita.
Iaz eta aurten jaiotakoak
2018 urtean jaiotako haurren aurrematrikulazioa egiteko epe berbera izango dute iaz eta aurten jaiotako haurren gurasoek. Bilerak, baina, aurrerago izango dituzte: martxoaren 25ean —2019an jaiotakoak— eta apirilaren 1ean —2020an jaio(ko) direnak—.
Urmendi Haur Eskola 0-3 hezkuntza zikloa eskaintzen duen Udal Ikastola Partzuergoa da. Harremanetan jarri nahi duenak edo informazio gehiago lortu, 943 26 00 86 telefono zenbakira dei daiteke. Posta bidez ere jar daiteke harremanetan.
