Izu mendira txangoa egingo dute, Artikutza hobeto ezagutzeko
Artikutza Naturak bisita gidatua antolatu du igande goizerako. 11 kilometroko ibilbidea egingo dute, Eskasetik hasita. Izena emateko epea, bihar arte.
Izu mendiraino joango da bisita gidatua. Artikutza Naturak ibilaldi gidatua antolatu du igande goizerako. Beren helburua da Donostiako Udalaren jabetzakoa den lursaila hobeto ezagutzea, eta horretarako, Izu mendira joango dira.
09:15ean aterako dira, Eskaseko atezaindegitik. 11 kilometroko ibilbideari aurre egin beharko diote, eta, guztira, 500 metroko desnibela pilatuko dute ibilbidean zehar. Aurreikuspenaren arabera, lau ordu inguruko iraupena izango du txangoak.
Tarifak honakoak izango dira: 6 urtetik beherako haurrentzako dohainik izango da; 6 eta 16 urte artekoentzat, 2,09 euro; eta 16 urtetik gorako mendizaleentzat, 3,14 euro.
Bihar izango da izena emateko azkeneko eguna. 679 613 016 edo 620 337 875 telefono zenbakietara deitu behar da, 11:00etatik 16:00etara. Bihar bertan konfirmatuko dituzte izen emateak. E-posta bidez ere jar daitezke harremanetan. Ibilaldi gidatua elebitan izango da.
